İslam Azərbaycanda (İslam.Az)

Yanvarın 25-də Misirin paytaxtı Qahirə şəhərində keçirilən etiraz aksiyası zamanı bir polis əməkdaşı öldürülüb. APA-nın "Associated Press"ə istinadən verdiyi məlumata görə, polis əməkdaşı başından daşla vurulub və aldığı xəsarətdən xəstəxanada keçinib.

İslam İnkişaf Bankı (İİB) Azərbaycanlıların Mədəniyyət Mərkəzi (AMM) ilə "Tələbələrə faizsiz kredit" layihəsi haqqında memorandum imzalayıb. Layihənin əsas məqsədi Gürcüstanda yaşayan müsəlman tələbələrin təhsil almalarına diqqət göstərmək və dəstək verməkdir.

Daxili İşlər Nazirliyi (DİN) Masallıda həbs edilən dindarla bağlı məlumat açıqlayıb. Nazirliyin mətbuat xidmətinin rəis müavini Ehsan Zahidov APA-nın sorğusuna cavabında bildirib ki, DİN-in Baş Mütəşəkkil Cinayətkarlıqla Mübarizə İdarəsi rayon Polis Şöbəsi əməkdaşları ilə birgə, əldə olunan əməliyyat məlumatı əsasında Masallı rayon sakini, 55 yaşlı Fəramiz Abbsovun yaşadığı ünvana baxış keçirilib. Bu zaman F. Abbasova məxsus həyətdə yerləşən yardımçıq təsərrüfatda, 1 ədəd "AK-74" avtomatı, 1 ədəd naqan tipli tapança, 20 ədəd qumbara, 20 ədəd alışdırıcı, 7 ədəd 400 qramlıq və 1 ədəd 200 qramlıq tratil şaşkalar, 3 ədəd güllə darağı və 70 ədəd patron aşkar edilərək götürülüb. Faktla əlaqədar F. Abbasov saxlanılıb.

Dünən bəzi KİV-nin verdiyi məlumata görə, Qafqaz Müsəlmanları İdarəsinin (QMİ) rəhbərliyi və Qazilər Şurası orta məktəblərdə hicab geyinilməsinin qadağan edilməsi məsələsi ilə bağlı fətva verib. Bu barədə İslam Universitetinin rektoru Sabir Həsənliyə istinad edilib.

ABŞ Tunisdə baş vermiş hakimiyyət dəyişikliyindən sonra bu ölkəyə yardım göstərməyin yollarını müzakirə etmək üçün ora özünün emissarını göndərib. Məlumatı ABŞ dövlət departamentinin mətbuat xidməti yayıb.

Şiələrin müqəddəs Kərbəla şəhəri ətrafında baş vermiş iki bomba partlayışı nəticəsində 12 nəfər həlak olub

İranda rejimə qarşı kütləvi etiraz aksiyalarında iştirak etmiş iki nəfər edam olunub. APA-nın "France-Presse" agentliyinə istinadən verdiyi məlumatına görə, ABŞ dövlət katibi Hillari Klinton İran rejimini adları çəkilməyən bu siyasi aktivistləri əfv etməyə çağırmışdı.

İran Türkiyənin İstanbul şəhərində ABŞ ilə ikitərəfli danışıqlar aparmaqdan imtina edib. Hazırda İstanbulda İran ilə "altılıq" ölkələri arasında danışıqların ikinci mərhələsi keçirilir, - "RİA Novosti" xəbər verir.

Azərbaycan İslam Partiyasının (AİP) sədri Hacı Mövsüm Səmədov barəsində çıxarılan həbs qərarından apellyasiya şikayəti verilib. M.Səmədovun vəkili Anar Qasımov APA-ya deyib ki, müdafiə etdiyi şəxs apellyasiya şikayətində Nəsimi Rayonu Məhkəməsinin barəsində çıxardığı həbs-qətimkan tədbirinin ləğv olunmasını və məhkəmənin hökmünə qədər sərbəst buraxılmasını istəyib.

İordaniyada minlərlə nümayişçi küçələrə çıxaraq ölkədəki iqtisadi şəraitə etiraz edərək baş nazirin istefa verməsini tələb ediblər.