İslam Azərbaycanda (İslam.Az)

Şəki rayonunun mərkəzi məscidində güclü yanğın baş verib. Bu barədə rayon sakinləri məlumat verib. Sakinlərin sözlərinə görə, səhər saatlarında baş vermiş yanğın məscidin böyük hissəsini bürüyüb.

Əziz möminlər!
Bildiyimiz kimi, hər bir insan fitri olaraq səadətə qovuşmaq istəyir və bu yolda əmək sərf edir. Lakin unutmamalıyıq ki, səadətə qovuşmaq üçün insan müəyyən meyarlara sahib olmalıdır. İman, ibadət, elm və əxlaq sahibi olmaq səadətin təməl əsaslarıdır. Bunlara sahib olan şəxs üçün səadət qapıları artıq açılmış sayılır.

Rayonda protestantlığı yayan qadının evindən xeyli sayda dini ədəbiyyat aşkar edilərək götürülüb

Son bir ildə cənub bölgəsində qeyri-ənənəvi dini cərəyanların təbliğatı ən çox Astara rayonunda qeydə alınıb. Belə ki, Astarada protestantlığı yayan bir qadının evindən xeyli sayda dini ədəbiyyat aşkar edilərək götürülüb. Lənkəranda mədh kilsəsinin tərəfdarları, Neftçalada isə nurçular aşkarlanaraq zərərsizləşdirilib. Bununla əlaqədar dini qurumlarla iş üzrə dövlət komitəsi bu ilin iyul ayından başlayaraq respublikanın bütün şəhər və rayonlarında 140 seminar treninq keçirib. İlin sonuna qədər bu tədbirlərin 174-ə çatdırılacağı gözlənilir.

Qadına qarşı zorakılığın günah olduğunu deyən Livanın məşhur İslam alimi belə kişilərin Allah qarşısında cavab verəcəyini və şəriətə görə cəzalandırılacağını bildirib

Livanın məhşur İslam alimlərindən Ayətullah Muhamməd Hüseyn Fəzlullah beynəlxalq qadınlara qarşı zorakılığı ləğv etmə günü yeni bir fitva verib. Haberturk saytının verdiyi məlumata görə, fitvada bildirilib ki, İslam dini bəzi işlərdə kişiyə üstünlük versə də, kişinin həyat yoldaşına söyməsi və təhqir etməsi kimi heç bir zorakılığa xoş baxmır. Ayətullah Fəzlullah belə hərəkətlərin günah olduğunu, belə rəftar edənlərin Allah qarşısında cavab verəcəyini və şəriətə görə cəzalandırılacağını bildirib.

Nazirlər Kabinetinin sərəncamına əsasən, yeni illə əlaqədar hökumət istirahət günlərinin sayını uzadıb

Bu il ölkədə Qurban bayramı dekabrın 20, 21, 22 və 23-də keçiriləcək. Bununla bağlı Nazirlər Kabinetinin verdiyi sərəncamda qeyd edilib ki, dörd gün istirahət günü olacaq. Nazirlər Kabinetinin sərəncamına əsasən, yeni illə əlaqədar hökumət istirahət günlərinin sayını uzadıb. Sərəncama görə, dekabrın 29, 30-u, yanvarın 1, 2, 3-ü bayram ediləcək.

Mərkəz "İmdad Komitəsi"nin himayəsində olan yoxsul insanlara pulsuz xidmət edəcək
İranın "İmam Xomeyni İmdad Komitəsi"nin sədri Hüseyn Ənvari bu gün Bakıda İmam Əli adına tibbi mərkəzin açılışında iştirak edib. Qeyd edək ki, tibbi mərkəz müasir və yüksək keyfiyyətli avadanlıqlarla təchiz olunub. Yalnız avadanlıqların alınmasına 100 min dollar qədər vəsait xərcəlnib. Tibbi mərkəzdə ilk yardım, kiçik cərrahiyyə, elektron kardioqram, ultrasəs və digər xidmətlər göstəriləcək.

Hökumət rəsmiləri isə filmin törədəcəyi fəsadları göstərmək üçün həmin siyasətçiyə xəbərdarlıq ediblər

Hollandiyada "Müstəqillik partiyası"nın sədri Qirt Vilders müsəlmanların ləyaqətini alçaldan bir film çəkməyə hazırlaşır. Hollandiya hökuməti rəsmiləri isə film nəticəsində meydana gələ biləcək gərginliyə görə qayğılandığını bildirib. Xarici işlər naziri Maksim Verhagen bu filmə görə baş verəcək hər hansı sərt reaksiyaya qarşı xəbərdarlıq etmək üçün Vilderslə görüşüb. Bu barədə məlumat verən xarici işlər nazirliyinin mətbuat sözçüsü Bart Rics, Vilderslə görüşərək bu filmin həm Hollandiya, həm də xaricdə yaşayan hollandiyalılar üçün təhlükəli olacağı barədə xəbərdarlıq etdiyini deyib.

Bir neçə gün sonra müsəlmanların müqəddəs Həcc ziyarəti başlayır. Hər il olduğu kimi, bu il də dünyanın müxtəlif ölkələrindən olan inanclı insanlar müqəddəs torpaqlara yollanacaq. APA-nın apardığı sorğu zamanı məlum olub ki, bu il Həccə gedəcək azərbaycanlı zəvvarlar arasında mədəniyyət xadimləri də var. Belə ki, xalq artisti Azər Zeynalov, muğam ifaçısı Səfa Qəhrəmanov, Azərbaycan Dövlət Akademik Milli Teatrının aktyoru Cəfər Namiq Kamal və müğənni Nadir Bayramlı da ziyarətdə iştirak edəcəklər.

Azərbaycanlı zəvvarların Həcc ziyarətinə hazırlığı başa çatıb. Qafqaz Müsəlmanları İdarəsinin (QMİ) xarici əlaqələr şöbəsinin müdiri Müqəddəs Payızovun APA-ya verdiyi məlumat görə, zəvvarlar artıq qruplara bölünüb. Onlara viza alınması prosesi isə başa çatmaq üzrədir. M. Payızov zəvvarların ilk qrupunun Həccə dekabrın 3 və 5-də iki karvanla göndəriləcəyini deyib: "Hər karvanda 35 avtobus olacaq. Hər il olduğu kimi, bu il də zəvvarların Azadlıq meydanından yola salınacağı gözlənilir". Şöbə müdiri zəvvarların təyyarə ilə 9, 10, 12 və 13 dekabrda yola salınacağını bildirib. Qeyd edək ki, Səudiyyə Ərəbistanı Krallığı Həcc ziyarəti ilə bağlı bu il Azərbaycana 6000 nəfərlik kvota ayırıb.

Avtobusla gedənlər dekabrın 3-də, təyyarə ilə gedənlər isə dekabrın 9-da səfərə çıxacaq

Gələn həftədən başlayaraq zəvvarlar Məkkəyə axışacaq. Bu il 5 minə yaxın azərbaycanlı zəvvar müqəddəs torpaqları ziyarət edəcək. Qafqaz Müsəlmanları İdarəsi onların səfəri üçün bütün hazırlıqları başa çatdırıb. İdarə sədrinin birinci müavini Hacı Salmanın sözlərinə görə, zəvvarlar ziyarətə həmişəki kimi həm avtobusla, həm də təyyarə ilə yola düşəcəklər. Avtobusla gedənlər ölkəni dekabrın 3-dən 5-nə, təyyarə ilə gedənlər isə dekabrın 9-dan 13-nə kimi tərk edəcək.