İslam Azərbaycanda (İslam.Az)

ABŞ-ın Əfqanıstanda və Pakistanda xüsusi nümayəndəsi Riçard Holbruk kritik vəziyyətdə xəstəxanaya yerləşdirilib.

Bu gün Azərbaycan Təhsil Nazirliyinin binası qarşısında "Hicaba azadlıq!" şüarı ilə aksiyaya cəhd göstərilib.

Azərbaycan Mədəniyyət və Turizm Nazirliyinin nümayəndələri İran İslam Respublikasının paytaxtı Tehran şəhərində keçirilən İslam Konfransı Təşkilatına (İKT) üzv ölkələrin turizm nazirlərinin VII iclasında və İKT-yə üzv ölkələrin yüksək vəzifəli şəxslərinin iclasında iştirak ediblər. Nazirliyin mətbuat xidmətindən APA-ya verilən məlumata görə, İKT ölkələrinin yüksək vəzifəli şəxslərindən ibarət olan işçi komitənin iclasında turizmin inkişafına dair qətnamənin və Tehran Bəyannaməsinin layihələri hazırlanıb. Layihələr turizm nazirlərinin yeddinci iclasında təsdiqlənib.

Əfqanıstanda partlayışda ən azı 19 amerikalı əsgər ölüb. "Salamnews"-un verdiyi məlumata görə, partlayış Əfqanıstanın Qəndəhar əyalətinin Minvand kəndində baş verib. Əldə olunmuş məlumata görə, partlayışı kamikadze törədib. NATO isə verilən məlumatı təkzib edib.

İranlı rejissor Mehdi Naderi Amerikanın İraqda həyata keçirdiyi işğalçı əməliyyatlardan bəhs edən film çəkib. Kino tənqidçilərinin sözlərinə görə, bu film gələn il Oskar mükafatı almağa ən real namizədlərdəndir, - "MigNyus" xəbər verir.

Almaniyanın Frankfurt şəhərində İslam mədəniyyət mərkəzində Məhərrəm ayının gəlməsi münasibəti ilə və İmam Zamana(ə.c) başsağlığı vermək üçün "Şəhidlər Şahı İmam Hüseynə (ə) ümumi qəm"adlı əzadarlıq məclisləri keçiriləcək.(abna)
Ona görə də Frankfurt İslam Mədəniyyət Mərkəzi bu mərasimləri 2010-cu il dekabrın 6-dan 18-nə qədər, 13 gecə olmaqla Mədəniyyət Mərkəzində təşkil edəcək.

İranın Türkiyədəki səfiri Türkiyənin Dəyanət işlər nazirliyinin yeni rəhbəri doktor Mehmet Kurmezlə görüşmüşdür.

Vyana universitetində Əhli-beyt (ə) məktəbini tədqiq edən fakültənin açılması barədə razılıq əldə edilmişdir.

Məhərrəm ayının başlaması ilə əlaqədar olaraq, İmam Hüseynin (ə) və Əbilfəzl Abbasın (ə) hərəmlərinin günbəzlərinin üzərindəki qırmızı bayraq qara rəngli bayraqla əvəz ediləcəkdir. (abna)
İmam Hüseynin (ə) müqəddəs hərəminin işlər rəhbəri Seyid Əfzəl Əl-Şami bu xəbəri elan etmişdir: "Bu dəyişdirmə mərasimi dövlət adamlarının iştirakı ilə həyata keçiriləcəkdir".
O, bu mərasimin hədəfinin insanları bu ayın əhəmiyyəti ilə agah etmək və Əhli-Beytə (ə) görə qəmlənməyi tövsiyə etmək olduğunu bildirmişdir.
Qeyd etmək lazımdır ki, bu mərasim altı ildir ki, keçirilir. Əvvəllərsə ancaq bayraqlar dəyişdirilərdi. Bununla əlaqədar mərasim keçirilməzdi.