İslam Azərbaycanda (İslam.Az)

Ayətullah Behcət: “Beş namazı vaxtın əvvəlində qılmağa riayət et və bütünlükdə Allaha doğru yönəl. Belə olsa, inşallah, xoşbəxtlik əlindən çıxmaz...”

Loğman (ə) oğluna dedi:

Ayətullah Mərəşi Nəcəfi: “Şərik öz şərikini hesaba çəkdiyi kimi hər həftə öz nəfsini tam diqqətlə hesaba çəkməyi tövsiyə edirəm. Əgər səhvə yol verdiyinizi hiss etsəniz, o səhvi düzəltməyə çalışın. Əgər davranış və sözlərinizdə yaxşılıqlar tapsanız, Allah-Taalaya şükr edib, öz lütfünü daha da artırmasını Ondan diləyin”.

Seyyid Əli Qazı: “Bütün qəflətlərin səbəbi ölümdən qafil olmaq və dünyada qalmaq xülyasıdır. Əgər bütün qorxu-hürkülərdən və vəsvəsələrdən amanda qalmaq istəyirsinizsə, həmişə ölümü və Allah-Taalanın görüşünə nail olmağı düşünün. Budur ən bahalı cövhər, budur dünya və axirət xoşbəxtliyinin kilidi!”

Imam Əli (ə) buyurub: "İnsanlar üçün elə bir tikanlı (və çətin) zaman gələcək ki, onda varlı əllərində olanlarla möhkəm sancacaq (mal və xəsislik edərək onu Allah yolunda verməyəcək), halbuki bu işə əmr olunmayıb. Eyiblərdən və nöqsan sifətlərdən uzaq olan Allah buyurub: "Bir-birinizə yaxşılıq etməyi unutmayın!" (Bəqərə, 237). Həmin zamanda pis əməl sahibləri qalxaraq öyünər, yaxşı əməl sahibləri isə xar və zəlil olar. Və acizlər və biçarələrlə alver edərlər (onlara baha satarlar, onlardan alanda isə ucuz alarlar). Halbuki Allahın Peyğəmbəri (s) acizlərə (yemək) satmağı (və ya onlarla alver etməyi) qadağan edib".

Müqəddəs ziyarətə gedən ərlə arvad uzun bir yolu qət edirdilər. Bir dəfə kişi yolun üstündə Günəşin şüaları altında parıldayan qiymətli daş gördü. O, cəld tərpənərək, ayağı ilə almazı torpağın altında gizlətmək istədi: kişi həyat yoldaşının bu fünyanın malına aludə olacağından, ziyarətin mənəvi ab-havasından və savabından məhrum olacağından ehtiyatlanırdı.

Bir elm adamı nəql edirdi ki, uzun illər ötdükdən sonra təsadüfən ustadına rast gəlir. Çox sevinir, ehtiram əlaməti olaraq onun əlini öpür.

Köhnə bağ evimizi bərpa etmək üçün tutduğum usta, işdəki bu gününü çətinliklə sona çatdırmışdı. Gün ərzində başına bir neçə xoşagəlməz hadisə gəlmişdi. Onu avtomobilimlə evinə apararkən dinməzcə və məyus yanımda əyləşmişdi.

Evinə çatdıqda məni içəri dəvət etdi. Evə doğru gedərkən balaca bir ağacın önündə qısa müddət dayandı, budaqlarının ucuna hər iki əli ilə toxundu, sanki nəsə pıçıldayırdı. Evin qapısı açıldıqda isə adam inanılmaz dərəcədə dəyişdi. Üzünə təbəssüm qondu, iki balaca qızını qucaqlayaraq, içəri daxil oldu…

Axund Hüseynqulu Həmədani: “Əgər görsən ki, günah sənin gözündə asanlaşır (adiləşir), bil ki, buna bir neçə əməl səbəb olub. Onlardan bəzilərini qeyd edək:

Birincisi, (əgər günah etməyə öyrəşmisənsə, bil ki) bütün fikrini bu alçaq dünyaya yönəltmisən. Buna görə də axirətlə bağlı fayda və zərərlərdən tam qafil olmusan. Anlamırsan ki, nə qədər faydanı və əbədi səadəti əldən vermisən, özünə nə qədər böyük zərərlər yetirmisən.

İkincisi, özünün acizliyinə, möhtaclığına və fəqirliyinə diqqət yetirməmisən. Sənin bədəninin hər zərrəsi məhz Onun xidmətində olan mələklərin sayəsində mövcuddur.

Üçüncüsü, anlamırsan ki, hər an bədəninin hər zərrəsinə Onun sonsuz nemətləri mərhəmət edilib və edilməkdədir; onları nə sözlə, nə də barmaqla sayıb-qurtarmaq olmaz. Bununla belə, Onun nemətlərini Ona qarşı günah işlərdə necə sərf edə bilirsən?

Dördüncüsü, Onun ağır əzabından necə qafil olursan? Bilmirsənmi ki, ölümlə qiyamət gününün arasında min növ kədər vardır? Bunların ən asanı ağır şəkildə can verməkdir...”

Şəhidi-sani: “Göz ondan ötrü yaradılıb ki, qaranlıqda onunla yolu tapasan, öz ehtiyacını ödəmək üçün ondan yardım alasan, onunla yerin və göylərin paklığına baxasan, bunlarda baş verənlərdən ibrət götürəsən, Allahın Kitabını (Quranı) və Onun Peyğəmbərinin sünnəsini oxuyasan, qəflətdən oyadan hikmətli kitabları mütaliə edəsən. Onları naməhrəmə baxmaqdan, müsəlmana həqarətlə nəzər salmaqdan, müsəlmanın eybini axtarmaqdan, hətta ehtiyacın olmayan bütün artıq işlərdən qoruyasan. Cəlal sahibi olan Allah (qiyamətdə insanları) ehtiyacdan artıq danışmaq barədə sorğu-sual edəcəyi kimi, ehtiyacdan artıq baxmaq barədə də sorğu-sual edəcək”.