Hicri təqvimi ilə 1433-cü il sona çatdı, Məhərrəm ayı daxil olur, yeni, 1434-cü il başlayır. İslam aləmində illərin bir-birini əvəzləməsi elə də əlamətdar hadisə sayılmasa da, hər halda bir anlığa ayaq saxlamağa, ötənləri, gerçəkliyi, gələcəyi qiymətləndirməyə dəyər.

Xüsusən də Məhərrəmin bir çox müsəlmanlar üçün hüzn ayı olduğunu nəzərə alsaq. Kərbəla faciəsi məhz bu ayda baş verib. İraqın yandırıcı səhrasında cərəyan edən hadisələrdən bizi 14 əsr ayırsa da, o zaman ümmətə vurulan sarsıdıcı zərbələr hələ də sağalmayıb.

Hicrətin 1-ci əsri ilə günümüz arasında paralellər aparsaq, vəziyyətin nəinki yaxşılaşmadığını, bəlkə daha da pisləşdiyini etiraf etməli olacağıq. Müsəlmanlara qarşı elan olunmamış müharibə davam edir. İslam ardıcıllarına qarşı işlənən bəşəri cinayətlərin müəllifləri sıralamasında hələlik son ünvan İsraildir. Sionist qurum müsəlmanlara “yeni il hədiyyəsi” hazırlayıb, Qəzzada yeni hərbi əməliyyatlara start verib. Hərçənd, burda təəccüblü heç nə yoxdur, İsrail “anti-İslam klubunun” sadiq üzvüdür və yəqin ki, ABŞ-dan sonra müsəlman qanına susayan ikinci bir qurumdur. Yenə də günahsız Fələstin uşaqları qətlə yetirilir.

Nə qədər dəhşətli olsa da, amma etiraf etməliyik ki, Yaxın Şərqdə 62 ildir zorla mövcudluğunu sürdürən sionist qurum yeni, müsəlmanlara nifrət bəsləyən bir nəsil yetişdirib. Onların düşüncə tərzi isə faşist ideologiyasından, demək olar ki, heç nə ilə fərqlənmir. Diqqət yetirin, görün İsrail saytlarının birində 11 aylıq fələstinlinin qətl səhnəsini əks etdirən fotoşəkili şərh edən bu dövlətin sıravi vətəndaşı nə yazır: “Fotolara baxanda bizimkilərin gözəl bombaladığı təsəvvürü yaranır, amma nəticə yoxdur. Cəmi bir neçə öldürülən “fələsli”? Yüzlərlə, minlərlə qətl edilən düşmənlər hanı? Orduya qalib gəlmək imkanı verin! SAXAL, irəli, sizə uğurlar! Uşaqlar, ən əsası özünüzü qoruyun!”. Bu məxluqun (üzr istəyirəm, amma ona insan deməyə dilim dönmür) yazdıqlarını necə şərh edəsən? Bəli, məhz belə. Gebbels siyasəti 21-ci əsrdə fəaliyyətdədir. Raket və bomba zərbələri nəticəsində öldürülənlər uşaqlar, qocalar, qadınlar yox, “fələslərdir”. Bu alçaldıcı tərif yalnız fələstinlilərə deyil, bütöv İslam ümmətinə aiddir. İsrail gəncliyinin heyvani instinktləri başadüşüləndir, onlardan başqa şey gözləməyinə dəyməz. Bəs ümmət öz din qardaşlarını quduz vəhşidən qorumaq üçün hansı tədbirlər tökür, cavab addımları atırmı? Təəssüf ki, müsbət cavab vermək mümkün deyil. Daha doğrusu isə, ümmət acınacaqlı durumdadır. Düzdür, Türkiyə, Misir barmaq silkələyərək İsraili xəbərdar edir. Vəssalam. Bundan artığını gözləmək isə sadəlövhlük olardı. Türkiyənin ABŞ-a qarşı çıxdığını təsəvvür etmək mümkündürmü? Bu gün Birləşmiş Ştatlar, həmişə olduğu kimi, yenə də qatillərin yanında, məzlumlara qarşıdır. Türkiyə anlayır ki, İsrail Suriya deyil. Suriyada Ərdoğan və tərəfdarları üçün geniş fəaliyyət meydanı var, həm özünü demokrat kimi göstərmək mümkündür, həm də islamçı. Eyni zamanda Ağ Evlə dostluq da təhlükə altına alınmır.

Bəs Misir? Qahirə fələstinlilərin aqibətini yüngülləşdirə bilərmi? Əlbəttə, mümkündür, amma bu da baş verməyəcək. ABŞ tərəfindən yetişdirilən Misirin yeni prezidenti riskə gedərmi? Axı Mübarəkin aqibəti göz qabağındadır. Ümmətin başqa ölkələri də öz problemləri ilə məşğuldurlar, hər kəs yorğanı öz üstünə çəkməyə çalışır.

Bu ay müsəlmanlar yenə də İmam Hüseyn (ə) və səhabələrinə yas saxlayacaqlar. Amma yalnız Kərbəla şəhidlərinə göz yaşı axıtmayacaqlar. Müsəlmanlar öz pərakəndəliyinə, acizliyinə, başısoyuqluğuna ağlayacaqlar. Görəsən bu nə vaxta qədər davam edəcək?

P.S. Aşura günü İmam Hüseyn (ə) düşmən qoşununa (yeri gəlmişkən, bu qoşunun bütün üzvləri müsəlman olub) müraciət edərək deyib: “İmanınız yoxdursa, barı kişiliyiniz olsun!”. Yəqin ki, bu gün imam ümmətə və bu ümmətin liderlərinə müraciət etmək imkanı qazansaydı, eyni sözləri təkrar edərdi.