İslam Azərbaycanda (İslam.Az)

Əbdurrəhman ibn əbi Leyla nəql edir: "Ruhbədə (Kufədə) Əlini camaata belə and verdirən gördüm: "Sizi and verirəm Allaha, əgər sizdən kimsə Qədir-Xum günü Allahın Peyğəmbərinin (s) "mən kimin mövlasıyamsa Əli onun mövlasıdır" kəlamını eşidibsə durub şəhadət versin". Bədr iştirakçılarından olan on iki nəfər – sanki onlar bir-bir indi də gözüm önündədirlər – durub dedilər: "Biz şəhadət veririk ki, Qədir günü Allahın Peyğəmbərinin (s) belə buyurduğunu eşitmişik: "Mən möminlərdən daha layiqli deyiləm?…." Biz dedik: "Əlbəttə, ey Allahın Peyğəmbəri." Peyğəmbər buyurdu: "Mən kimin mövlasıyamsa Əli də onun mövlasıdır. Pərvərdigara! Onu sevəni sev və onunla düşmənçilik edənlə düşmən ol!".

İmam Əli (ə): "(Din) qardaşının dostluğuna əmin olanda, artıq nə vaxt onun ziyarətinə gedəcəyinə və onun sənin ziyarətinə gələcəyinə əhəmiyyət vermə".

İmam Əli (ə): "Bilin, ey Allahın bəndələri! Əməllərinizi və nəfəslərinizi qeyd etmək üçün sizin üzərinizdə vucudlarınızdan nəzarətçilər, bədən əzalarınızdan casuslar və sadiq gözətçilər təyin olunmuşlar. Nə zülmət gecənin qaranlığı sizin əməllərinizi onların nəzərindən itirər, nə də möhnət və bağlı darvazalar sizi onlardan gizlədər".

İmam Əli (ə): "Özü-özünün müəllimi və tərbiyəçisi olan kəs camaata müəllim və tərbiyəçi olan şəxsdən daha təqdirəlayiqdir".

İmam Əli (ə): "Ticarətdə ən çox ziyana uğrayan və səylərində hamıdan uğursuz kimsə odur ki, öz bədənini (dünya) malı axtarmaq üçün taqətdən sala və taleyin müqəddəratı onun üzünə gülməyə, o da peşmançılıq və həsrətlə dünyadan köçərək onun yükü ilə axirətə üz tuta"

İmam Sadiq (ə): "Mömin möminin qardaşıdır. Eyni ilə bir bədən kimidirlər. Onun bir üzvü ağrıyanda digər üzvlər də həmin ağrını hiss edərlər. Onların ruhları bir ruhdandır".

İmam Əli (ə): "Məzlumların fəryadına çatmaq və qəmlinin qəmini dağıtmaq böyük günahların kəffarəsindəndir".

Allahın Peyğəmbəri (s): "Adəm övladının hamısı səhv və xəta edir, xəta edənlərin ən yaxşısı tövbə edənlərdir".

Allahın Peyğəmbəri (s): "Allah rüşvət verənə, rüşvət alana və onların arasında vasitəçi olana lənət etsin".

Allahın Peyğəmbəri (s): "Bəzən insan Allaha xoş gələn sözlər danışır və həmin sözün çatdığı yerə çatacağına da güman etmir. Allah həmin sözün səbəbinə Öz razılığını Qiyamət gününə qədər ona yazar. Bəzən insan Allahın qəzəbinə səbəb olan söz danışır və həmin sözün çatdığı yerə çatacağını da güman etmir. Allah bu sözün səbəbinə Öz qəzəbini, onunla görüşəcəyi günə qədər onun üçün yazır"