İslam Azərbaycanda (İslam.Az)

Səudiyyə Ərəbistanın Ciddə şəhərində keçirilən İslam ölkələrinin dini nazir və liderlərinin konfransında əsas müzakirə mövzularından biri də Dağlıq Qarabağ məsələsi olub. Bunu ANS-ə müsahibəsində konfransda iştirak edən Hacı Allahşükür Paşazadə deyib.

Türkiyədə ildırım düşməsi nəticəsində bir məscidin minarəsinin bir hissəsi uçub. Ərzurum vilayətinin Çat rayonunda dünən yerli vaxtla saat 21.00-də (Bakı vaxtilə saat 23.00) baş vermiş hadisə nəticəsində 4 nəfər ölüm təhlükəsinə məruz qalıb.

"Bakıda bir neçə məscidin qapadılmasında mənim rolum olması barədə bəzi şəxslərn dedikləri fikirlər əsassızdır". Qafqaz Müsəlmanları İdarəsinin sədri Şeyxülislam Hacı Allahşükür Paşazadə "Turan"a belə deyib.

"Bakı Dövlət Universitetinin ərazisində yerləşən "İlahiyyat" məscidinin fəaliyyət göstərməsi ilə bağlı heç bir qanuni sənədi yoxdur. Bu məscidin 1992-ci ildə tikilməsi üçün universitet rəhbərliyindən heç bir razılıq alınmayıb və Dini Qurumlarla İş üzrə Dövlət Komitəsində qeydiyyatdan keçməyib", - bu barədə jurnalistlərə Bakı Dövlət Universitetinin rektoru, millət vəkili Abel Məhərrəmov bildirib.

Azərbaycanın Dini Qurumlarla İş üzrə Dövlət Komitəsi paytaxtdakı "Əbu Bəkr" adı ilə tanınan məscidin açılacağını bildirib. "Bu məscidin bağlanması terror hadisəsi ilə əlaqədardır. Onun fəaliyyəti məsələsi hazırda müzakirə olunmur. İstintaqla bağlı bəzi məsələlər davam edir. Məscid əvvəl-axır açılacaq, qapalı qalmayacaq. Amma bunun fəaliyyətinin qanuna uyğunluğu müəyyənləşdirilməlidir", - deyə Dövlət Komitəsinin sədr müavini Elçin Əsgərov bildirib.

Bu gün Ali Məhkəmədə "Əbu Bəkr" məscidinin fəaliyyətinə icazə verilməsi barədə kassasiya şikayətinə baxılıb. "Nərimanov Rayon Dindarları" Dini İcmasının hüquqi nümayəndəsi Cavanşir Süleymanovun verdiyi məlumata görə, məhkəmə Bakı Apelyasiya Məhkəməsinin qərarını qüvvədə saxlayıb və kassasiya şikayətini təmin etməyib.

Türkiyənin Azərbaycandakı səfirliyi Qafqaz Müsəlmanları İdarəsinin rəhbəri Hacı Allahşükür Paşazadənin "KQB casusu" adlandırılmasına reaksiya verib.

Dünyanın ən böyük beynəlxalq təşkilatlarından biri olan İslam Konfransı Təşkilatı (İKT), "sülhməramlı" rola sahib olmaq üçün silahlı qüvvələr qurmağa hazırlaşır. Bu barədə Qaynar.info Türkiyə mətbuatına istinadən xəbər verir.

Yunanıstanın paytaxtı Afinada məscid yandırılıb. Hadisə mayın 23-də qeydə alınıb. Bir qrup maskalı şəxs şəhərdəki müsəlmanların məscid kimi istifadə etdikləri binanın birinci mərtəbəsindəki mənzilin şüşələrini sındıraraq, içəriyə yandırıcı maddələr atıblar. Hadisə nəticəsində 5 banqladeşli yaralanıb.

"Azərbaycandakı Türk məscidləri bağlanmayıb". Bunu APA-ya açıqlamasında Türkiyənin Azərbaycandakı səfiri Hulusi Kılıç deyib.