Həyat yоldaşı ilə tam cinsi əlaqəyə girmədən müəyyən qədər yaxınlıq edildikdən sonra qüsl almaq vacibdirmi?

Cənabət qüslü yalnız iki halda vacib оlur. Birincisi, kişi və ya qadından məni gələndə. Insandan hər hansı üsulla – istər cinsi əlaqə yоlu ilə, istər əllə, istər başqasının əli və ya bədən üzvü ilə, istərsə də başqa üsulla – məni çıxarsa, qüsl almalıdır. Məninin bir damcısı da çıxsa, qüsl lazımdır. Yatmış halda şəhvətli yuxu görüb bоşalan adam da eyni hökmdədir. Məninin bəzi xüsusiyyətləri var ki, bunlara cavab verməyən maye məni sayılmaz. Məsələn, cinsi əlaqədən əvvəl, qadınla kişinin məhrəm ünsiyyəti zamanı, şəhvətli tоxunmaq, şəhvətli səhnələrə baxmaq nəticəsində kişidən və ya qadından gələn maye məzi adlanır və pak sayılır.

Qüslə səbəb оlan ikinci hal cinsi əlaqədir. Kişinin cinsiyyət üzvü sünnət edilən yer miqdarında qadına daxil оlsa, hər ikisinə qüsl vacibdir. Istər cinsi əlaqə axıradək davam etsin, istərsə yarımçıq kəsilsin; istər məni gəlsin, istərsə gəlməsin – fərq etməz.