Həyatımız boyu orqanizmimizin imkanlarından istifadə edir, amma çox nadir hallarda özümüzə belə bir sual ünvanlayırıq: bizim bacardıqlarımızın sərhədi harada bitir? Elm inkişaf etdikcə alimlər Allahın insanı fantastik imkanlara sahib etdiyini müəyyənləşdiriblər. İnsanla tanışlığımızı davam etdiririk.

Həyata gəldiyi an körpənin başının ağırlığı ümumi çəkisinin 25 faizini təşkil edir. Məhz bu səbəbdən yeni doğulan uşaqlar müstəqil olaraq başlarını saxlaya bilmirlər.

Şəhadət barmağı insanın ən həssas barmağıdır.

İnsanın saçı qurğuşun, mis, platindən möhkəmdir və bu göstəriciyə görə hətta poladla rəqabət apara bilər. Qalınlığı 0,05 millimetr olan insan saçı 100 qram yükə davam gətirir. Qadın hörüyü orta hesabla 200 min saçdan ibarətdir və çəkisi 20 ton olan yükə tab gətirir.

İnsan 30 yaşına yetişdikdən sonra beyninin əsas ölçüləri azalmağa başlayır. Kişilərin beyninin maksimal çəkisi 20-29, qadınlarda isə 15-19 yaş arası müşahidə edilir.

İnsanın ağ ciyərinin üzərində 600 000 000 nəfəs köpüyü var. Onların yerə sərmək istəsək, bu köpüklər tennis kortuna bərabər sahəni zəbt edər.