Məscidlərdə tədbirlər elə keçirilməlidir ki, İslama zərər gəlməsin.

İslam.az-ın SalamNews-a istinadla verdiyi xəbərə görə, bunu Qafqaz Müsəlmanları İdarəsinin sədri, Şeyxülislam Hacı Allahşükür Paşazadə Qazılar Şurasının bu gün keçirilən iclasında deyib.

O bildirib: "Bəziləri meydana çıxır, etiraz edir. Biz bilirk, bu, nəyə görə edilir”.

QMİ sədri vurğulayıb ki, bir vaxtlar dindarlar 17-20 məsciddə yerləşib, əzadarlığını edirdilər. Bu gün isə ölkədə 2 minə yaxın məscid var. Məncə, bu, az deyil.

Şeyxülislamın sözlərinə görə, Azərbaycanın öz qanunları var və biz də bu qanunlar çərçivəsində tədbirləri keçirməliyik: “Elə edilməlidir ki, İslama zərər gəlməsin. O məclisdə ki, kimsə sünnülərin əleyihinə, müsəlmançılığı parçalayan fikirlər söyləcəksə, o cəzalanacaq. Bəziləri dini ayrıseçkilik etməyə çalışırlar. Biz buna limkan verməyəcəyik. Bizim kimin nə iş görməsindən xəbərimiz olcaq. Bu məclisə sünniləri ilk dəfədir dəvət etmişəm. Məclisə adətən şiə axundlar çağırılırdı. İmam Hüseyn hamınındır. Həm sünnü, həm də şiələrindir. Ona görə ki, Peyğəmbərin balasıdır və bizim üçün də əzizdir. Mən inanmıram, bir sünnü desin ki, İmam Hüseyn mənimdir. Peyğəmbərin balası Fatimə, İmam Hüseyn, Həzrəti Əli bizim hamımız üçün əzizdir. İmam Hüseyn məktəbini öyrənmək üçün kurslarda həm sünnü həm də şiələrə öyrədilməlidir. Bu yaxınlarda İranın prezidenti və Türkiyənin baş naziri ilə görüşlərim oldu. Mahmud Əhmədinejat deyir ki, siz 20 il ərzində bu qədər məscidin tikintisinə nail olmusunuz. Yəni SSRİ zamanında 17-20 məscid var idi. Bəziləri Azərbaycanın bu günki inkişafını görməlidirlər".

QMİ sədri diqqətə çatdırıb ki, təmsil etdiyi qurumun tövsiyyəsi ilə verilən mouzələr bəziləri tərəfindən başqa şəkildə yozulur. Bu, düzgün deyil. Çünki QMİ heç bir axunda mouzələrin mətnini tam şəkildə vermir. Sadəcə, mouzələrdə diqqətə çatdırılacaq vacib məqamlar göstərilir.