Jurnalın qiyməti 3 manatdan 2 manata endirilib

ANS Press Nəşriyyat Evi tərəfindən ayda bir dəfə dərc edilən "Karvan"jurnalının 2-ci sayı satışa çıxıb. Əsasən islami mövzulara həsr olunan jurnalın bu dəfəki sayında bir çox mövzularla yanaşı İslam tarixinə dair məqalələr dərc olunub.

"Karvan" jurnalının şef-redaktoru İlahə Qaragözovanın sözlərinə görə, jurnaldakı "Nadir tarix" adlı rublikada hələ heç bir yerdə açıqlanmayan İslam tarixində baş verən hadisələr işıqlandırılır.
Jurnalda islami dəyərlər baxımından kişi- qadın münasibətlərindən də danışılır. "İzahat" rubrikasında isə sənət adamlarının İslam dininə olan münasibətləri öz əksini tapıb. Bununla yanaşı yeni nəşrdə tanınmış dini ekspertlərin məqalələri də dərc olunub.
Qeyd edək ki, jurnalın 1-ci sayının qiyməti 3 manat olsa da, oxucuların məktubları nəzərə alınaraq, artıq jurnalın 2-ci sayı bütün köşklərdə 2 manatadır.
Redaksiyada çalışanlar inanır ki, jurnalın hər nömrəsində oxuculara İslam dini ilə bağlı yeni fikir və faktların çatdırılmasında çətinlik çəkməyəcəklər. Çətini jurnalı ərsəyə gətirmək idi. Necə deyərlər, su girdi qaba, oldu içməli.