Türkiyədə FB istifadəçisi öz şəxsi profilində təqdim etdiyimiz fotoşəkili paylaşaraq, ona belə bir şərh yazıb:

"Axşam iftara gedərkən bu mənzərə ilə qarşılaşdım. Boğazım düyünləndi, içim sıxıldı, söyləyəcək söz tapa bilmədim. Yalnız "qardaşım, nə edirsən?" deyə soruşdum. Cavab verdi: "Abi, iftara hazırlaşırıq". "Evin yoxdurmu?" deyə soruşdum. "Var, amma evdə bir şey yoxdur" dedi. İşləyib-işləməməsi ilə maraqlandım, "iş tapa bilmirəm" dedi.

Zibil qutusundan iftar üçün etdiyi hazırlığa baxdım: bir neçə pomidor, boyat çörək, bir baş soğan və yarısı içilərək atılmış şorba... Allah bu qulunun acizliyini də görür, bizim laqeyid münasibətimizi də. Hesab günü hamımız bu mənzərənin hesabını ödəyəcəyik. Məni ən çox sarsıdan isə, verdiyim üç-beş qəpiyi götürməməsi, pulu xanımının qucağına atıb ildırım sürətiylə uzaqlaşarkən qadının "abi, pulu al!" deyə bağırması oldu. Ya Rəbb! Sən kimsəsizlərin kimsəsi ol! Bizlər acizik, bizə mərhəmət ehsan et!"