İraq mediası Neynəva vilayətini ələ keçirmiş "İŞİD" terrorçularının lideri Əbubəkr Əl-Bağdadinin ölüm xəbərini yayıb.

Özünü "əmirəlmöminin xəlifə" elan etmiş Bağdadinin Mosul şəhərində aviazərbələr zamanı öldürüldüyü bildirilir. İŞİD terroçuları isə hələlik liderlərinin ölüm xəbərini təsdiqləməyiblər.

Əslində Bağdadinin öldürülməsinin İŞİD üçün nəyisə dəyişəcəyinə inanmaq gülüncdür. Çünki uzaqdan “pultla idarə olunan” bu terrorçuların başçısı Bağdadi deyil. O sadəcə İŞİD üçün bir görüntü rolunu oynayır. Yəni, bu terrorçu qüvvələrlə hədəflərinə çatmaq istəyənlərin bəlkə də ehtiyyatda yüzlərlə Bağdadi kimi “əmirəlmöminin xəlifəsi” var. Digər tərəfdən Bağdadinin “öldürülməsi” oyunda edilən dəyişikliyə daha çox bənzəyir. Ehtimal oluna bilər ki, “böyük oyunçular” kartları dəyişməklə yeni hədəflər güdürlər. Lakin görünən odur ki, son günlər bir-birinin ardınca İŞİD-in ağır məğlubiyyəti pult arxasında oturanları düşünməyə vadar edib. Yəqin ki, yaxın günlərdə işin əsl mahiyyəti üzə çıxacaqdır.

İslam.az