İŞİD üzvləri sosial şəbəkələrdə çağırışlar yayaraq tezliklə Azərbaycan və Türkiyə ərazisində “islam dövləti”ni quracaqlarını bəyan ediblər.

Bundan başqa onlar Azərbaycan və Türkiyənin xəritəsi və bayraqlarını qara fonda təqdim ediblər. Təsvir olunmuş xəritənin və bayrağın üstündə isə Məhəmməd peyğəmbərin möhürü əks olunub.

Möhürün üstündə ərəb dilində “Lə iləhə illəllah”, möhürün içərisində isə “Muhəmmədun rəsulullah” ifadəsi yazılıb.

Qeyd edək ki, MTN İctimai Əlaqələr Mərkəzinin rəhbəri Arif Babayev mətbuata bildirib ki, milli maraqlarımıza və təhlükəsizliyimizə qarşı baş verə biləcək təhdidlərin qarşısının alınması üçün bütün zəruri qabaqlayıcı tədbirlər həyata keçirilir, əməliyyat şəraitinə nəzarət olunur.

Saytımızın ictimaiyyətdə apardığı sorğular isə göstərir ki, xalq MTN-dən və digər hüquq mühafizə orqanlarından daha sərt addımların atılmasını istəyir. Mütəxəssislər də güc strukturlarının bu məsələdə gecikəcəyi təqdirdə, proseslərin arzuolunmaz hadisələrə çevrilməsi ilə nəticələnəcəyini düşünür. Ekspertlər qeyd edir ki, İraq və Suriyada təkfirçi qruplar daxilində döyüşən azəraycanlıların buradakı himayəçiləri, onları ölkə daxilində təşkilatlandıran qüvvələr hələ də ya bəlli olmayıb, ya da ictimaiyyətə açıqlanmayıb, bu da təhlükənin hansı həddə olması ilə bağlı bir qədər qeyri müəyyənlik yaradır. Digər tərəfdən də mütəmadi olaraq yerli mətbuatda növbəti azərbaycanlının təkfirçi qruplar tərəfində döyüşə yollanması ilə bağlı məlumatlar nəşr olunur. Elə dünən publika.az saytında Xaşmazdan, biri keçmiş polis işçisi olmaqla, daha 2 nəfərin döyüşmək üçün xaricə yollanması haqda məlumat yayıldı. İŞİD və digər terroçu qruplaşmaların etdikləri isə bizə hər gün MESAJdır

İslam.az