Görünən isə odur ki, “dünyaya hökmranlıq etmək istəyən” bəzi qüvvələr planlarını uzun-uzadı deyil (nurçuların yolu) qısa yolla (İŞİD variantı) həll etmək niyyətindədirlər

İŞİD terror qruplaşması Mosul şəhərinə daxil olmazdan 3 gün əvvəl şəhərdə mövcud olan nurçu (Fətullahçı) mədrəsələri və obyektləri bağlanıb. Belə ki, nurçular hələ 3 gün əvvəl Mosulu tərk edə biliblər. Digər məlumatlarda isə dağıdılan oblektlərin siyahısında nurçulara aid bir dənə də yerin olmaması müəmmalı görünür.

Ekspertlərin fikrincə İŞİD terror təşkilatının arxasında duran qüvvələrlə nurçuları himayə edən qüvvələr ayrı-ayrı olsalar da eyni kökdən qaynaqlanır. Əslində bir qədər diqqət etdikdə İŞİD və Fətullah hərəkatının məqsəd və qayəsi eynilik təşkil edir. İslamın həqiqətini aradan aparmaq və “yeni islam modeli” tətbiq etmək. Sadəcə bir fərq var ki, bir qrup bunu silahla, digəri isə iqtisadi və siyasi yönümdə həyata keçirir.

Bir sıra qüvvələrin müsəlman ölkələrində çaxnaşma yaratmaq planlarını həyata keçirən İŞİD və “Hizmət hərəkatı” kimi təşkilatlar zaman-zaman bir nöqtədə qarşılaşdığı anda onları idarə edən qüvvələr arasındakı “anlaşma” birini digərinin yolundan çəkir.

Görünən isə odur ki, “dünyaya hökmranlıq etmək istəyən” bəzi qüvvələr planlarını uzun-uzadı deyil (nurçuların yolu) qısa yolla (İŞİD variantı) həll etmək niyyətindədirlər.

P.S. Lakin bu qüvvələrin bəlkə də hesaba almadığı bir məqam var. Sonsuz qüdrət sahibi olan Allah sonda həqiqi müsəlmanların əli ilə zəfər qazanacaqdır.