"Əbu Bəkr" məscidinin bağlanması ilə icmamızın fəaliyyəti də dayanıb. Halbuki Dini Qurumlarla İş üzrə Dövlət Komitəsinin qeydiyyatdan keçmə şərtlərini heç vaxt pozmamışıq".

APA-nın məlumatına görə, bu sözlər "Əbu Bəkr" kimi tanınan "Cümə" məscidində fəaliyyət göstərən "Nərimanov rayon dindarları dini icması"nın rəhbəri Qamət Süleymanovun bu gün yayılan açıqlamasındandır. O, rəhbərlik etdiyi dini icmanın 2002-ci ildə Dini Qurumlarla İş üzrə Dövlət Komitəsindən qeydiyyatdan keçdiyini və hüquqi fəaliyyət göstərdiyini deyib.

Q. Süleymanov icmanın heç bir siyasətə qarışmadığını da diqqətə çatdırıb: "Dini icmamızın fəaliyyətinə cəmiyyətimizdə mənəvi dəyərlərin zənginləşdirilməsi, gənclərdə vətənə, dövlətə sədaqət aşılanması kimi dəyərlər də daxildir. Məhz bu kimi səbəblərdən radikal qrupların hədəf mərkəzinə çevrilmişik".

Q. Süleymanov "Əbu Bəkr" məscidində bu ilin 17 avqustunda törədilən terror aktı ilə bağlı KİV-də vaxtaşırı məlumatların yer aldığını, həmin məlumatların bir qisminin balanslaşdırılmamış, qərəzli olduğunu bildirib: "Guya məscidin yerləşdiyi küçənin 1000 nəfərədək sakini məscidin birdəfəlik bağlanmasını istəyir. Şikayətin "səbəbi" kimi küçənin natəmizliyi və "Əbu Bəkr" məscidinin təhlükəli olduğu göstərilir. Əvvəla sakinlər tərəfindən bir dəfə də məscidimizə şikayət daxil olmayıb. Əgər hər hansı narahatlıq olsaydı, 10 illik fəaliyyətimiz ərzində heç olmazsa bir nəfər tərəfindən narazılıq bildirilərdi". // APA