Bu gün ağır çəkili peşəkar Amerika boksçusu Məhəmməd Əlinin (əvvəlki adı Kassius Marsellus Kley) doğum günüdür. İslam.az-ın SalamNews-a istinadən verdiyi məlumata görə, o, 1942-ci ildə ABŞ-ın Kentukki əyalətində anadan olub. Atası reklam sahəsində çalışıb, anası isə evdar qadın olub. On iki yaşında boksla məşğul olmağa başlayan qara dərili oğlan 1960-cı ildə Romada keçirilən Olimpiya oyunlarında ilk böyük qələbəsini qazanıb. Burada o, turnirin qızıl medallarına layiq görülüb.

1961-ci ildə Kasius dövrün məşhur "nokautçu" boksçusu Lamar Klarkla üz-üzə gəlib və onu ikinci raundda nokauta göndərib.1964-cü ildə Sonni Listonu məğlub etdikdən sonra Kley İslamı qəbul edib. O, həmçinin, Aliya Məhəmmədin rəhbərlik etdiyi təşkilata üzv olub.Həmin dövrdə bu təşkilat qara dərili müsəlmanların təşkilatı hesab olunurdu.
1967-ci ildə Əli ABŞ ordusunda hərbi xidmətə çağ rılıb. Bu zaman ABŞ Vyetnamla müharibə edirdi. Əli orduda xidmət etməkdən imtina edir. ABŞ-ın başladığı müharibənin müqəddəs Quranın təlimlərinə zidd olduğunu elan edib. "Biz Allah və onun peyğəmbəri tərəfindən bildirilməyən heç bir müharibədə iştirak etməməliyik. Biz xristian və Allahın varlığını inkar edənlərin əli altında vuruşmamalıyıq. Mənim Vyetnam Konqresi ilə heç bir problemim yoxdur. Onlar məni heç vaxt təhqiredici formada "qara zənci" çağırmayıblar. Bu ədalətsiz bir müharibədir" - deyə Əli açıq şəkildə bildirib. Bundan sonra ABŞ-ın Boks Federasiyası onun bütün titullarını əldən alaraq, Əlini 3 il müddətinə boksdan uzaqlaşdırıb.
1970-ci ildə Əliyə yenidən rinqə qayıtmağa icazə verilir. 1971-ci il mart ayının 8-də Əli və Co Freyzer arasında "Əsrin döyüşü" adlandırılan döyüş baş tutub. Döyüş Freyzerin qələbəsi ilə başa çatıb.1974-cü ilin yanvarında Əli daha əvvəl məğlub olduğu Co Freyzerlə ikinci dəfə rinqdə üz-üzə gəlib və onu məğlub edib.Elə həmin ilin oktyabr ayında Əli məğlubedilməz Corc Formana wstwn gələrək ikiqat dünya çempionu tituluna sahib çıxıb. 1975-ci ilin sentyabrında Məhəmməd Əli ilə Co Freyzer arasında üçüncü döyüş Əlinin qələbəsi ilə başa çatıb. Döyüşdən sorna Əli Freyzeri özündən sonra ən yaxşı boksçu adlandırıb.1981-ci ildə Trevor Berbikə məğlub olan Əli boksu tərk etdiyini elan edib.
1978-ci ildə Əlinin doğma rayonu Luisvildə Valnut küçəsinin adı “Məhəmməd Əli bulvarı” olub. Bir neçə il sonra tanınmış boksçuda parkinson xəstəliyinin əlamətləri görünməyə başlayıb və o bu xəstəlikdə əziyyət çəkir. 1991-ci ildə Tomas Hauzer tərəfindən "Məhəmməd Əli: Onun həyatı və zamanlar" adlı kitab işıq üzü görür. Əliyə dünyada ən çox tanınan amerikalı olduğuna görə, "Amerikanın ruhu" mükafatı təqdim olunub.
2002-ci il noyabrın 17-də Əli Birləşmiş Millətlər Təşkilatının sülh elçisi kimi Əfqanıstana səfər edib. 2005-ci il noyabrın 9-da Ağ Evdə keçirilən mərasimdə o, Prezident Corc Buş tərəfindən Azadlıq Medalı ilə, dekabrın 17-də Almaniyanın Ottohan Sülh Qızıl Medalı ilə təltif edilib.