Qafqaz Müsəlmanlar İdarəsinin rəhbəri hacı Allahşükür Paşazadə Azərbaycanın Pravoslav İcmasını təbrik edib.

Islam.az-ın verdiyi xəbərə görə, təbrikdə deyilir: "Bakı və Azərbaycanın Arxiyepiskopu möhtərəm Aleksandr! Vahid yaradanın adı ilə! Çox hörmətli yepiskop, əziz qardaşım! Müsəlmanların və şəxsən öz adımdan Sizi və Pravoslav Kilsəsinin Azərbaycanda yaşayan bütün nümayəndələrini Milad və Yeni il bayramı münasibəti ilə səmimi qəlbdən təbrik edirəm. Bu mübarək bayram münasibəti ilə Sizinlə birgə bütün qəlbimlə sevinir, bizim pravoslav qardaş və bacılarımızla bu böyük bayramın sevincini bölüşürəm. Allah bizi birləşdirən və yaxınlaşdıran, bütün Azərbaycan xalqının ümumi rifahı üçün olan hər şeyin qorunub saxlanması və inkişafı yolunda yardımçımız olsun. Bu mübarək gündə biz, Allahın rəhminin daima bizim Vətənimiz üzərində olması, üçün dua edirik.

Bir daha Sizin Yepiskopluğu və bütün həmvətən Pravoslavları sevincli Milad bayramı münasibəti ilə ürəkdən təbrik edəm. Səmimi qəlbdən arzu edirəm ki, Allah bütün pravoslav qardaşlarımıza və onların ailələrinə sevinc bəxş etsin.

Sizə Allahdan sülh, əmin - amanlıq və bərəkət arzu edirəm!

Qardaş hisslərlə Şeyx ül-islam Allahşükür Paşazadə!"