Papa XVI Benedikt Birləşmiş Millətlər Təşkilatını (BMT) ziyarət edəcək. Vatikanın BMT-dəki nümayəndəsinin verdiyi məlumata görə, Benediktin bu ziyarəti, fərqli dinlər və mədəniyyətlər arasında qurulan dialoqa dəstək xarakteri daşıyır.

Papa XVI Benediktin fərqli mədəniyyətlər, ənənələr və dinlər arasındakı qarşılıqlı əlaqələrə və dialoqa əhəmiyyət verdiyini bildirən nümayəndə, bu çərçivədə din azadlığının və insan haqqlarının mərkəzi əhəmiyyət daşıdığını deyib. Papa 5 günlük ABŞ səfəri çərçivəsində BMT baş katibi Ban Ki-Munla görüşəcək və təşkilatın iclasında da çıxış edəcək. Benediktin bu ziyarəti BMT beynəlxalq insan haqları bəyanatının qəbul olunmasının 60-cı ildönümünə təsadüf etdiyi üçün Papanın dünyada insan hüquqlarının əhəmiyyətini vurğulaması gözlənilir.

Xatırladaq ki, XVI Benedikt BMT-də çıxış edən 4-cü Papa olacaq. BMT-ni Papa səviyyəsində daha əvvəl 1965-ci ildə VI Paul, 1979 və 1995 illərində II İohan Pavel ziyarət etmişdi.

BMT baş katibi Ban Ki-Mun Roma səfərində Papa XVI Benediktlə görüşmüş və onu BMT-yə dəvət etmişdi.