Türkiyənin Baş naziri Rəcəb Tayyib Ərdoğanın Azərbaycana bu gün başlayan səfərinin proqramı açıqlanıb.

SalamNews-un “Anadolu” agentliyinə istinadla verdiyi xəbərə görə, R.T.Ərdoğan Azərbaycan-Türkiyə Yüksək Səviyyəli Strateji Əməkdaşlıq Şurasının toplantısına həmsədrlik edəcək. Qəbələdə keçiriləcək toplantının Azərbaycan tərəfdən həmsədri isə Prezident İlham Əliyevdir.

Səfərdə R.T.Ərdoğanı Baş nazirin müavini Bəkir Bozdağ, xarici işlər naziri Əhməd Davudoğlu, milli müdafiə naziri İsmət Yılmaz, enerji və təbii ehtiyyatlar naziri Taner Yıldız, iqtisadiyyat naziri Zəfər Çağlayan və nəqliyyat naziri Binali Yıldırım müşayiət edəcəklər.

İki gün davam edəcək səfər zamanı R.T.Ərdoğan Qəbələdən sonra Şəkidə olacaq.

Xatırladaq ki, Azərbaycan-Türkiyə Yüksək Səviyyəli Strateji Əməkdaşlıq Şurasının toplantısı bundan əvvəl Türkiyənin İzmir şəhərində keçirilib.