Dini Qurumlarla İş üzrə Dövlət Komitəsinin sədri Elşad İsgəndərov şimal- qərb bölgəsinə səfəri çərçivəsində Nic kəndindəki tarixi Alban abidəsi – Müqəddəs Yelisey kilsəsi (Çotari) ilə tanış olub.

Gün.Az xəbər ki, İcma fəalları Dövlət Komitəsinin sədrinə kilsənin tarixi haqqında məlumat verilib.

Qeyd olunub ki, 1723-cü ildə inşa olunan bu kilsə 1836-cı ildə “Rusiya müqəddəs Sinodu”nun xüsusi qərarı ilə erməni qriqorian kilsəsinin sərəncamına verilib. O, tarixdən udinlər etiraz əlaməti olaraq kilsəyə getməyiblər.

Görüş zamanı həmçinin qeyd edilib ki, 2005-ci ildə ölkə prezidenti İlham Əliyevin Nic sakinləri ilə görüşdən sonra verdiyi tapşırığa əsasən Alban tarixi dini abidələrinin bərpası başlanılaraq tarixi, dini irslərinin bərpasına şərait yaratmaq məqsədilə Nic və Oğuz rayonlarında Alban-Udi dini icmaları yaradılıb.

Nəzərinizə çatdıraq ki, kilsədə aparılan  təmir işləri ilə tanış olan Dövlət Komitəsinin sədri udin icması tərəfindən tarixi alban kilsəsinin bərpası istiqamətində aparılan işləri yüksək qiymətləndirərək  udinlərin erməniləşmə təhlükəsi ilə üzləşərək uzun illər boyu dini hayatdan məhrum olmalarını böyük ədalətsizlik kimi qiymətləndirib.

Elşad İskəndərov isə bildirib ki, ermənilərin tarixi alban kilsəsinin həm arxivlərini, həm dini liturgiyasını, həm dini məbədlərini oğurlayıb mənimsəmələri, yaxud da məhv etmələri erməni millətçiliyinin, dini irqçiliyinin bariz nümunəsidir.

“Onlar bütün dünyaya car çəkdikləri kimi yalnız müsəlman azərbaycanlılara qarşı deyil, digər xristian xalqlara, o cümlədən Qafqazın ən qədim xristianları olan udinlərə qarşı yönələn dözümsüzlük və mədəni vandalizmdən belə çəkinməyiblər”- deyə Komitə sədri bunu da diqqətə çatdırıb.

E.İsgəndərov onu da vurğulayıb ki, Azərbaycan öz müstəqilliyini bərpa etdikdən sonra ölkədə yaşayan bütün milli azlıqlara öz tarixi milli-mənəvi  dəyərlərinin bərpasına, inkişaf etdirilməsinə tam şərait yaradılıb. Belə ki, görülən işlərin sayəsində də hazırda ölkəmiz bir tolerantlıq nümunəsi kimi göstərilir.

Komitə sədrinin sözlərinə görə, prezident İlham Əliyevin  apardığı xarici siyasət nəticəsində, ölkəmizin  regional liderə çevirilməsi  tariximizə və udin xalqına qarşı həyata keçirilən bu vandalizmin nəticələrinin aradan qaldırılması üçün əlverişli şərait yaradıb.

Həmçinin  qeyd olunub ki, ölkə başçısının Nic kəndinə səfərindən sonra  alban abidələrinin bərpasına başlanılaraq icmanın təşkilatlanması və tarixi kilsənin irsinə yiyələnməsi istiqamətində müsbət işlər aparılıb.

Bütün bu işlər həm udin xalqına qarşı, həm də bütövlükdə ölkəmizin  tarixinə qarşı törədilən  ədalətsizlik aradan qaldırılmayanadək  əzmlə aparılmalıdır  deyən E.İskəndərov rəhbərlik etdiyi qurumun da bu sahədə Alban-Udi icmasının fəaliyyətini dəstəkləyəcəyini bildirib.