Bu gün İstanbulda İranın nüvə proqramı üzrə "altılıq" ölkələri (BMT TŞ daimi üzvləri, Almaniya) və İran arasında görüş başlayır. Bu, Türkiyənin məsələnin həllində üçünçü cəhdidir. Danışıqlarda Rusiyanı XİN başçısının müavini Serqey Ryabkov təmsil edəcək.

SalamNews İTAR TASS-a istinadən xəbər verir ki, ötən ilin yanvarında İstanbulda "5+1"qrupun İranla növbəti danışıqlar mərhələsi keçirilib, lakin görüş nəticəsiz yekunlaşıb.

İran tərəfindən görüş ərəfəsində verilən bəyanatda bu məsələnin həllində müəyyən irəliləyiş olacağına ümid verir. İranın Milli Təhlükəsizlik üzrə Ali Şurasının rəhbəri Səid Cəlili bildirib ki, onun ölkəsi "Türkiyədə olan müddətdə, nüvə problemin həlli üzrə bir sıra yeni təşəbbüs təqdim edəcək".

ABŞ danışıqlara bu kimi yanaşmanı müsbət qəbul edib, lakin İranın hansı təşəbbüsün təqdim edəcəyi haqda bilinmir. Tehran hələ də öz nüvə energetikasının inkişafına israr edir və bildirib ki, uranın zənginləşdirilməsi məhz sülh məqsədi ilə, yanacaq isə AES ehtiyaclarının ödənilməsi və tibb üçün istifadə olunacaq.

Son zamanlar İran dəfələrlə dialoqun bərpa olunmasına çağırıb. ABŞ dövlət katibi Hillari Klinton bildirib ki, onun ölkəsi digər "5+1" qrupun üzvləri İrana müəyyən təminat təqdim etməyə hazırdır. Rusiyanın XİN başçısı Serqey Lavrov deyib ki, İrana qarşı aydınlıq gətirmək lazımdır və əmin olmaq lazımdır ki, bu proqramın hərbi ölçüsü yoxdur".