Suriya böhranının nizamlanması və insan hüquqları pozuntularının araşdırılması üzrə ƏDL-in irəli sürdüyü qətnamə layihəsi Misir tərəfindən BMT Baş Assambleyasına təqdim edilib

SalamNews ITAR-TASS agentliyinə istinadən xəbər verir ki, qanun layihəsi ötən həftə BMT üzvləri tərəfindən müzakirə edilib. Diplomatların sözlərinə görə, layihə Baş Assambleyada sabah səsverməyə çıxarıla bilər.

Təhlükəsizlik Şurasından (TŞ) fərqli olaraq, burada qanun layihəsi qəbul edilərkən veto hüququ tətbiq edilmədiyinə görə, BMT Baş Assambleyasının qətnamələri sadəcə məsləhət xarakteri daşıyır. ƏDL tərəfindən təqdim edilən layihədə Suriya hökumətindən zorakılığın dayandırılması, iğtişaşlar zamanı həbs edilənlərin azadlığa buraxılması, yaşayış məntəqələrindən silahlı qüvvələrin çıxarılması, beynəlxalq KİV və ƏDL ölkələrinin Suriyada maneəsiz fəaliyyətinin təmin edilməsi tələb olunur.