. Bunu SalamNews-a QMİ-nin fətva şöbəsinin müdiri Hacı Mirəziz Seyidzadə bildirib.

O, QMİ-nin hicab probleminin həllində maraqlı olduğunu söyləyib: "Müzakirənin necə olacağını hələ bilmirəm. İnşallah, bu barədə QMİ sədri ilə söhbətdən sonra fikir bildirə bilərəm”.

M.Seyidzadə vurğulayıb ki, hazırda bu məsələ ilə əlaqədar QMİ-ə müraciətlər edilmir. Müqəddəs Quranda da birmənalı olaraq yazılır ki, hicab mömün qadınların libasıdır. Biz heç kəsə deyə bilmərik ki, geyin və yaxud geyinmə. İslam dini buna maraqlıdır, amma dövlətin də öz qanunları var və biz buna qarşı çıxa bilmərik”.

Xatırladaq ki, Prezident İlham Əliyev 2014-cü ildən vətəndaşlara veriləcək yeni şəxsiyyət vəsiqəsi ilə bağlı fərman imzalayıb. Yeni vəsiqələrdə biometrik məlumatlar – identifikasiya edilmiş və ya identifikasiya olunan fiziki şəxsin fizioloji xüsusiyyətlərini xarakterizə edən, onu birmənalı və ya digər məlumatlarla uzlaşdıraraq identifikasiya etməyə imkan verən, müvafiq standartlar tətbiq olunan və maddi daşıyıcıda əks etdirilən fərdi məlumatlar yerləşdiriləcək. Vəsiqənin üz tərəfinin sol hissəsində isə vəsiqə sahibinin 26 mm x 35 mm ölçüdə fotoşəkli vurulacaq.