Türkiyənin Səadət Partiyasının liderləri Suriya prezidenti Bəşər Əsədlə görüşüb. Partiyanın sədri Mustafa Kamalak prezident sarayındakı 40 dəqiqəlik görüşdə, Əsədin Türkiyədən gözləntilərinin böyük olduğunu, türkiyə dövlətinin və xalqının böyük olduğunu vurğuladığını qeyd etmişdir.

(dunyabulteni)Səadət Partiyasının sədri də öz növbəsində Suriyaya qarşı xarici müdaxilələrin yol verilməz olduğunu bildirmişdir. Eyni zamanda Mustafa Kamalak, Bəşər Əsəddən ölkədə parlamentdə olan müxalif fikirli deputatlara və mediyaya sərbəst öz fikirlərini bildirmək üçün imkanlar yaradılmasını da bildirmişdir. SP lideri, iki ölkə arasındakı əlaqələrin əvvəl olduğu kimi indi də çox inkişaf edən xətlə davam etməsini gözlədiyini bildirmişdir. Əsəd görüş əsnasında, iki ölkə arasında dərin əlaqələrin olduğunu və bu əlaqələrin heç kim tərəfindən pozulacağına imkan verməyəcəyini vurğulamışdır. Çünki, bu əlaqələrimiz qardaşlıq əlaqələri ilə bağlıdır. Prezident Əsəd, xalqların arasında problem olmadığına inandığını qeyd edərək, "Türkiyə ilə 90 il aramıza başqaları girdi, ilk dəfə 2000-ci ildən etibarən gözəl əlaqələr qurduq, biz Türkiyə ilə 10 il ərzində tarixi dəyişdik, geriyə dönməyə imkan verməməliyik" deyə bildirmişdir.


Əsəd, "hər kəsin daha sürətli dəyişikliklər aparmağımızı istəyir, amma bir evdən digərinə köçməyin nə qədər çətin olduğunu düşünsək bu prosesin asan olmadığı da aydın olar" deyə qeyd etmişdir. O, ölkədə bir çox islahatların aparıldığına işarə edərək, bir çox qanunlarda olunan dəyişikliklərdə Türkiyə təcrübələrindən istifadə etdiklərini bildirmişdir.Fevral ayına qədər yeni bir konstitusiyanın hazırlanacağını bildirən Əsəd, əllərində olan bütün imkanlardan istifadə etdiklərini bəyan etmişdir.



Lakin, Suriya prezidenti müxalifətin niyyətinin islahatlar olmadığını xüsusilə qeyd etmişdir.O, Türkiyənin bu proseslərdəki mövqeyini anlamadıqlarını, ölkədəki müxalifətin formalaşması üçün imkanlar yaratdıqlarını bildirrərək, Türkiyədən gəlmiş heyətə: "Sizdən gözəl bir Suriya görüntüsünü dilinizə gətirdiyinizi istəmirik. Sizdən Suriyada yaxşı və pis nə gördünüzsə onu Türk xalqına çatdırmağınızı istəyirik" deyə müraciət etmişdir. Sonda Səadət Partiyasının lideri Mustafa Kamalak, Əsədə üzərində Quran ayəsi olan bir tablo hədiyyə etmişdir.(Deyerler.org)