Əslən azərbaycanlı olan tanınmış müğənni Sami
Yusif və Ümumdünya Ərzaq Proqramı (ÜƏP) quraqlıqdan əziyyət çəkən Afrika Buynuzunda humanitar yardımları dəstəkləmək məqsədilə bir araya gəliblər.

BMT-nin İctimai İnformasiya Departamentinin Azərbaycandakı Ofisindən SalamNews-a verilən xəbərə görə ki, müğənni Somali və ətraf regionları cənginə alan aclıq barədə ictimaiyyətin məlumatlılığını artırmağa yardım etmək üçün başlamış “LiveFeed” kampaniyasının bir hissəsi olaraq “Unudulmuş vədlər” mahnısını geniş dinləyici auditoriyasına təqdim edib. İnglis, ərəb və svahili dillərində olan bu mahnını dinləyicilər həm internetdən, həm də Yaxın Şərqin bütün musiqi mağazalarından əldə edə biləcəklər. Alıcılar mahnını yükləməklə, müğənninin albomunu almaqla, yaxud www.LiveFeedAfrica.org veb səhifəsidə onlayn ianələr vasitəsilə kampaniyaya dəstək ola bilərlər.