İsrail Knessetində “erməni soyqırımı” qərarının qəbul edilməsi perspektivi yoxdur. İsrail heç vaxt Ermənistanın və erməni millətçi dairələrinin uydurma soyqırım məsələsinə dəstək verməyəcək.

Bunu SalamNews-a Milli Məclisin deputatı Aydın Mirzəzadə bildirib.

Knessetdəki müzakirələrdən söz açan deputat deyib ki, bu, son zamanlar İsrail ilə Türkiyə arasında yaranmış soyuq münasibətlərin nəticəsidir: “Amma indiyədək Türkiyə yəhudu diasporu ilə birgə fəlaiyyət göstərərək “erməni soyqırımına” qarşı fəlaiyyət göstərib. Sadəcə olaraq, iki ölkə arasında yaranmış münasubətlər yəhudu doaisorunu incik salıb və bunun nəticəsində yəhudu diasporu bu məsələyə qarışmır”.

Onun sözlərinə görə, bundan istifadə edən erməni diasporu özünün çirkin niyyətini İsrail Knesseti vasitəsi ilə həyata keçirib Türkiyəyə zərbə vurmaq istəyir. Lakin İsrail Knessetinin hansısa qərar qəbul edəcəyinə inanmıram. Mən bunu son vaxtlar Türkiyəyə qarşı təzyiq və təqib kampaniyasının təkib hissəsi kimi dəyərləndirirəm.

A.Mirzəzadə vurğulayıb ki, Türkiyəyə qarşı təzyiqlər hər zaman olduğu kimi, Avropanın müəyyən dairələri tərəfindən də olub və bu təzyiqlər indi də davam edir: "Həyat mübarizədir və ümidvaram ki, Türkiyə hər zaman olduğu kimi, bu mübarizədən də alnıaçıq və şərəflə çıxacaq”.