Fransa parlamentinin 22 dekabr tarixdə sözdə “Erməni soyqırımının” inkarı”nı cinayət hesab etməsi barədə çıxardığı ədalətsiz, beynəlxalq və düşüncə azadlığı normalarına zidd olan qərar son dərəcədə təəssüfləndiricidir.

Heç bir beynəlxalq hüquq mexanizmi tərəfindən sübut olunmamış və yalnız bir qrup tarixçinin irəli sürdüyü nəzəriyyəni hərbi cinayətlərlə eyni müstəviyə qaldıraraq məhkəməsiz cinayət elan etmək hüquqi olaraq absurd qərardır. Tarix yazarları ilə hərbi məhkəmələri səhv salmaq qədər anlayışsızlıqdır.
Qanunun Fransanın iqtidar partiyası tərəfindən irəli sürülməsi və qəbul edilməsində parlament üzvlərinin 10% iştirak etməsi bu qərarın ümumi Fransa dovlətinin mövqeyindən daha çox, Sarkozi hökumətinin Fransaya son illərdə təhmil etdiyi insan azadlıqlarının sıxışdırılması siyasətinin bir parçası, örnək olaraq isə süni surətdə son illər Fransada qızışdırılan islamofobiyanın və qəbul etdirilən islamofobik və irqçi təşəbbüslərin növbəti təzahürüdür
Eyni zamanda bu qərarın cidd-cəhdlə məhz indiki dövrdə qəbul etdirilməsi, Türkiyə Cümhuriyyətində demokratikləşmənin sürətlə inkişafı, Türkiyənin bütün regionda pozitiv rol oynamağa başlaması və dünya səviyyəsində aparıcı dövlətlərdən birinə çevrildiyi bir dövrə təsadüf etməsi, sadəcə Avropa üçün deyil, müsəlman aləminin demokratikləşməsi baxımından tarixi rol oynayan Türkiyəni qeyri-demokratik üsullarla ləkələmək və müsəlman aləmində nəzərə çarpan pozitiv tendensiyalara qısqanc yanaşmanın təzahürüdür.
Belə bir qərarın Türkiyənin Ermənistanla baglı xoşniyyətli təşəbbüsünün Ermənistanın qonşularına qarşı ərazi iddialarınıdan əl çəkməməsi səbəbilə “dalana dirənməsi” fonunda qəbul edilməsi, əslində, bölgə xalqları arasında səmimi sülh və barışın yaranmasına mane olmaq cəhdi, Ermənistan iqtıdarının inadkarlığının təşviqi və Türkiyəyə, bu gürurlu tarixə və bu günə malik dövlətə qarşı şantaj kimi qiymətləndirilməlidir.
Nəhayət, özünü ədalət və “insanlığa qarşı” cinayətləri cəzalandırma carçısı kimi təqdim edən Fransa iqtıdarı bu səyində də səmimi olmayıb, ayrı-seşkilik mövqeyindən çıxış etdiyini, qərarın daxili siyasi məqsədlər güddüyünü nümayiş etdirməkdədir. Belə olmasaydı, bir əsr əvvəlki hadisələrə bü qədər canfəşanlıq göstərən Fransa parlamenti üzvləri həmin ermənilərin 20 il əvvəl azərbaycanlılara qarşı törətdiyi, faktlar və sənədlərlə sübut olunan Xocalı qətliamı kimi cinayəti görməməzliyə vurmazdılar.
Qeyd olunanları nəzərə alaraq, İKGF İdarə Heyəti:
1. Fransa Senatını - parlamentin qəbul etdiyi və ilk növbədə Fransanın bəyan etdiyi akademik düşüncə və söz azadlıgı dəyərlərinə zidd olan, Avropa ilə müsəlman dünyası arasında yeni etimadsızlıq dalğası yaradacaq bu qərarı rədd etməyə çagırır,
2. İslam Əməkdaşlıq Təşkilatını öz üzv ölkələrinə müraciət edərək Avropa Birliyinə və konkret Fransa hökumətinə diplomatik kanallarla qurumun üzvü olan qardaş ölkəsinə qarşı yönələn bu ədalətsiz addıma qarşı cavabsız qalmamaga çağırmağa və Fransa iqtidarına prinsipial mövqeyini bildirməyə dəvət edir,
3. İKGF üzv təşkilatlarına, Avropada yaşayan müsəlman icmaları və ədalət və söz azadlıqı dəyərləri uğrunda çalışan bütün qurumlara və fərdlərə müraciət edərək bu qərarı qanunun yol verdiyi bütün dinc yollarla protest etməyə və Senatda qəbulunun qarşısını almaga nail olmağa çagırır.

İKGF inanır ki, bu qərarla dünya ictimaiyyətinin son illərdə üzərində çalışdığı, can atdığı və reallaşmasına səy göstərdiyi mədəniyyətlərarası yaxınlaşma və dialoq prosesinə vurulan ciddi zərbəni düzətmək istiqamətində bu ədalətsiz qərarın əngəllənməsi həm də bütün mütərəqqi ictimaiyyətin vəzifəsidir.

İstanbul, 22 dekabr 2011