Misir parlament seçkilərinin 14-15 dekabrda keçiriləcək 2-ci mərhələsində iştirak etmək üçün 18,8 milyon seçici qeydiyyatdan keçib. ia.ru Misirdə 49,2 milyon vətəndaş səsvermə hüququna malikdir. Qeyd edək ki, seçkilərin birinci mərhələsində 17,5 milyon insan iştirak edib.

Misirdə diktator rejimi devriləndən sonra ölkədə mürəkkəb bir sxem üzrə parlament seçkiləri keçirilir. Seçki sxemi coğrafi əsaslara görə, 3 mərhələyə bölünür və 2012-ci ilin yanvar ayının 10-na qədər davam edəcək. Seçkilərin birinci mərhələsi noyabr ayının 28 və 29-da keçirildi. İkinci mərhələ isə 14-15 dekabr tarixinə təyin edilib. Üçüncü mərhələ isə gələn ilin yanvar ayının 3 və 4-ü keçiriləcək. Seçkilərin rəsmi nəticələrini 2012-ci ilin yanvar ayının 13-dən gec olmayaraq elan etməlidirlər.

Misir seçkilərinin 2-ci mərhələsində 9 region, Giza, Şərkiyyə, İsmailiyyə, Manufiyyə, Suets, Buheyra, Bəni-Sueyf, Asuan və Sohaq səs verəcək.