İran və İraq dostluq əlaqələri qoruyub saxlayırlar və heç bir amil bunu dəyişməyə qadir deyil.

SalamNews IribNews-a istinadən xəbər verir ki, bu barədə İraq Silahlı Qüvvələrinin Baş Qərargah rəisi Babakr Zibari ilə görüş zamanı İran Prezidenti Mahmud Əhmədinejad deyib.

O, iki ölkə arasındakı əlaqənin inkişaf etdiyini bildirərək söyləyib: "İran və İraq birləşmiş təkallahlıq və ədalətin vahid cəbhəsindədirlər və qərb imperialist qüvvəsinə müqavimət göstərirlər. Şəxsi maliyyə maraqları üçün işğalçılıq siyasəti aparan qərb ölkələri xalqın hüququna və mədəniyyətinə əhəmiyyət vermirlər. Müvafiq vəziyyətdə müstəqil və suveren xalqlar münasibətlərini maksimal olaraq möhkəmləndirməlidirlər. İran və İraq regionda müasir dəyişilikdə təsirli rol oynaya bilər. Tehran və Bağdad milli maraqlarını qoruyaraq, dünyada təhlükəsizliyin və sabitliyin təmin edilməsi üçün səmərəli əməkdaşlığı dəstəkləyə bilər. İraq hökuməti ölkədə sabitliyin təminatı üçün yaxşı potensiala sahibdir".

Babakr Zibari isə deyib ki, İranın və İraqın birgə mövqeyi və maraqları var. İraq xalqı və hökuməti İranla əlaqələrin möhkəmləndirilməsinə böyük əhəmiyyət verir və heç bir ölkə iki ölkə arasındakı əlaqələri sarsıda bilməz.