İran və Əlcəzair xairici işlər nazirləri arasında baş tutmuş telefon danışığı zamanı regionda siyasi vəziyyət, o cümlədən, Suriya məsləsi müzakirə olunub.

SalamNews "İRNA"ya istinadən verdiyi xəbərə görə, İran xairici işlər naziri Əli Əkbər Salehi Suriyanın regiondakı rolunun vacibliyini vurğulayaraq, məsələnin ölkə daxilində islahatların aparılması və xarici ölkələrin qarışmaması yolu ilə həll edilməsinin əhəmiyyətini söyləyib.

Əlcəzairin XİN rəhbəri Murad Medelsi isə problemin danışıqlar stolu arxasında həllinin vacibliyini bildirib.

Xatırladaq ki, bazar günü Misirin XİN rəhbəri Məhəmməd Kamil Əmrlə birgə keçirdiyi mətbuat konfransında Əlcəzair rəsmisi Suriyanın ƏDL-dakı üzvlüyünün dondurulmasının müvəqqəti səciyyə daşıdığını və bu qərarın tezliklə ləğv ediləcəyini deyib: "Ümid edrik ki, Suriya höküməti zorakılığa son qoyulması ilə bağlı ərəblərin ümidlərini doğruldacaq və ərəb-Suriya münasibətlərinin normalllaşdırılması üzrə çalışmalara başlayacaq".