Bu gün İranın İmam Xomeyni adına "İmdad" Komitəsi müqəddəs Qurban bayramı münasibətilə bir qrup qeyri-hökumət təşkilatına (QHT) yardım paylayıb.

Komitənin Azərbaycan nümayəndəliyinin rəhbəri Mənsur Seyfi Qurban bayramının insanlara təlqin etdiyi hisslərdən və dünya müsəlmanlarının həmrəyliyinin zəruriliyindən danışıb.

Onun sözlərinə görə, insanların Allaha olan ümidləri heç vaxt bitməməlidir. Komitənin fəaliyyəti haqda da məlumat verən M. Seyfi deyib ki, bu bayramda Azərbaycanda yardıma və köməyə ehtiyacı olan 4 minə yaxın insan üçün 500 qoyun, o cümlədən də 5 ton iri buynuzlu mal ətinin paylanması nəzərdə tutulub. Bu məqsədlə həm Bakıda, həm də ölkənin regionlarında paylama məntəqələri fəaliyyətə başlayıb. M. Seyfi imkansız adamlar üçün komitənin Azərbaycan nümayəndəliyində Tibb Mərkəzinin də fəaliyyətə başladığını deyib. Sonra QHT-lər üçün ayrılan diri qoyunlar paylanılıb.