Oxucu sual verir: Məşhur müsəlman tarixçi Yəqubi hansı məzhəbə etiqad etmişdir?

Yəqubinin (vəf. miladi 897) ulu babası Vazeh şiə əqidəsinə inanırdı. O, Misirdə vali olduğu zaman Əhli-betdən olan İdris ibn Abdullah Həsəniyə (İdrisilər dövlətinin banisi) sığınacaq vermiş, buna görə edam edilmişdi. Yəqubi də bu nəslin yetirməsi idi və şiə əqidəsini daşıyırdı. Qeyd edək ki, o, Bağdaddaq doğulsa da, gənclik illərini Azərbaycan torpaqlarında keçirmişdi. Yəqubi hərtərəfli və ümumiləşdirilmiş tarix kitabı yazan ilk müsəlman müəllifi sayılır. Onun tarix kitabı Həzrət Adəmin (ə) yaradılışından başlayaraq, müəllifin yaşadığı dövrə kimi keçən mərhələni əhatə edir.

Yəqubi şiə əqidəsində olduğunu kitabında da gizlətmir. O, Qədir-Xüm əhvalatını təsvir etmiş, Həzrət Fatimənin (ə) vəfatı və dəfni, Əbu Bəkrin xəlifə seçilməsi və İmam Əlidən (ə) beyət tələb olunması hadisələrinə də kitabda yer ayırmışdır. Onuncu imama kimi (Yəqubinin kitabı bu dövrə kimi baş verənləri əhatə edir) hər bir məsum imamın qısa tərcümeyi-halı və şəhadət tarixi kitabda öz əksini tapmış, onların hikmətli kəlamlarından nümunələr verilmişdir.