ABŞ prezidenti Barak Obama və Səudiyyə Ərəbistanı kralı Abdulla ibn-Abdel Əziz Əl-Səud arasındakı telefon danışığı zamanı İranın ərəb ölkəsinin Vaşinqtondakı səfirinə qarşı sui-qəsd faktına görə cavab verməli olduğu vurğulanıb.

SalamNews-un "İTAR-TASS"a istinadən verdiyi xəbərə görə, iki ölkə liderləri İranın bu addımının beynəlxalq hüquq normaları və qanunlara zidd olduğunu bildiriblər. Bir sıra ABŞ rəsmiləri iranlı məmurların, o cümlədən, prezident Mahmud Əhmədinejadın bu sui-qəsddən əvvəlcədən xəbər dar olduğunu iddia edirlər.

Bəzi ekspertlərin fikrincə, yeni ittihamlar dalğası ABŞ-ın Səudiyyə Ərəbistanındakı stabilliyi pozma fəaliyyətindən diqqəti yayındırmaq üçün həyata keçirilir. Bəziləri isə, bu addımın sırf İranın qonşu dövlətlərlə münasibətlərinin pozulmasına yönəldiyi qənaətindədir.

Xatırladaq ki, bir gün öncə ABŞ prezidenti Səudiyyə Ərəbistanının Vaşinqtondakı səfiri Adil əl-Cübeyrlə telefon danışığı olub. ABŞ tərəfi ona qarşı terror aktına cəhddə İran əsilli Mənsur Arbabsiar və hazırda axtarışda olan Qolam Şakirini şübhəli bilir.

ABŞ-ın ədliyyə naziri Erik Holder Mənsur Arbabsiarın İslam inqilabı mühafizəçiləri korpusu ilə əməkdaşlıq etdiyini, Şakirininsə "Əl-Qüds" xüsusi sidmət orqanına işlədiyini bəyan edib.