Oxucu sual verir: Bəzi dini kitablarda alimlərdən biri haqqında “Səduqi-əvvəl”, yəni “biinci Səduq” yazırlar. Bu, məşhur hədis alimi kimdir?

Cəfəri məzhəbində “Səduq” ləqəbi ilə xatırlanan alim dörd əsas hədis məcmusəindən biri olan “Mən la yəhzuruhul-fəqih” kitabının və digər dəyərli əsərlərin müəllifi Əbu Cəfər Mühəmməd ibn Əli Qumidir. O, Qum şəhərində doğulmuş, miladi X əsrdə yaşayaraq,  991ci ildə Rey şəhərində vəfat etmişdir. Şeyx Səduqun “Tövhid”, “Kəmalüd-din”, “Üyunu əxbarir-Riza”, “Xisal”, “Əmali”, “Məanil-əxbar”, “Savabül-əmal” əsərləri çox məşhurdur və mötəbər mənbə kimi tanınır.

Şeyx Səduqun atası Əbülhəsən Əli ibn Hüseyn Qumi də məşhur alim idi. Fiqh sahəsində ad qazanmış alim “İbn Babüveyh” və ya “İbn Babuyə” kimi də tanınır. Əsərlərinin böyük bir qismi günümüzə kimi gəlib-çatmamış alimin yüzlərlə kitab yazdığı deyilir.

Dini mənbələrdə heç bir qeyd olmadan “Şeyx Səduq” yazılarkən oğul nəzərdə tutulur. “Səduqi-əvvəl” ləqəbi isə ata-alimə aid edilir.