Oxucu sual verir: Qurban kəsilən qoyun neçə yaşında olmalıdır? Heyvanın cinsinin əhəmiyyəti varmı?

Qurbanlıq heyvan hər şeydən əvvəl sağlam və nöqsansız olmalıdır. Kor, buynuzsuz, şikəst, axtalanmış, hər hansı bədən üzvündə eyib olan heyvanı Allah yolnda qurban kəsmək ədəbsizlikdir və günahdır. Heyvan xəstə və zəif olmamalıdır, qocalıb əldən düşmüş sayılmamalıdır.

Qurbanlıq qoyun ən azı 7 ayını başa vurub 8-ci aya keçməlidir; amma ehtiyata görə, qoyunun bir ilinin tamam olması daha yaxşıdır. Bu, cəfəri fiqhinə aid olan hökmlərdir. Əhli-sünnə məzhəbinə görə, qoyunun bir yaşına dolması şərtdir. Amma əgər bir yaşından kiçik olan quzu ölçülərinə görə bir yaşlı qoyun kimi görünərsə, kəsilməsinə icazə verilir.

Qoyunun cinsinə gəlincə, bu barədə vacib hökm yoxdur. Erkək heyvanın qurban kəsilməsi daha artıq bəyəniləndir. Lakin bu, vacib deyil və müstəhəbdir, dişi heyvanın da qurban kəsilməsi icazəlidir.