Türkiyənin Baş naziri Tayyib Ərdoğan Misirin ”Al-Shorouk” qəzetinə verdiyi açıqlamada Suriyada vətəndaş müharibəsinin olmasından narahatlıq duyduğunu söyləyib. O deyib: "Hadisələrin şiələrlə sünnilər arasında vətəndaş müharibəsi ilə nəticələnməsindən çox qorxuram

SalamNews-un Ədalət və İnkişaf Partiyasının (AKP) rəsmi saytına istinadən verdiyi xəbərə görə, Ərdoğan Misir ilə əlaqələrini inkişaf etdirmək istədiyini bildirib. Ərdoğan Misirin qəzetinə açıqlamasında bildirib: "Əgər ərəb dünyasının bir çox qapısı varsa, bu qapıların ən əhəmiyyətlisinin Misir olduğundan şübhə etmirəm”.

Müsahibəsində ​​İsrail mövzusuna da toxunan Ərdoğan, İsrail rəhbərliyinin ərəb dünyasında yaşanan dəyişikliyin həqiqətini tam olaraq anlaya bilmədiyini söyləyib. O, Suriya mövzusunda İranın oynadığı rolu da şərh edib. Türkiyə olaraq İranla əlaqə halında olduqlarını deyən Ərdoğan, Tehran rəhbərliyi ilə Suriyadaki hadisələri müzakirə etdiyini bildirib.

Misirdən sonra Tunis və Liviyanı da ziyarət edəcək Türkiyənin Baş naziri vurğulayıb: "Birincisi, Liviyaya beynəlxalq müdaxilənin edilməsinə qarşıyıq. İkincisi, Qərb ölkələrinin İranın nefti üzərində haqqı olmadığına, neftin xalqa aid olduğuna inanırıq”.