Fələstinin müstəqilliyinin tanınmasına veto qoyulması ilə bağlı söz-söhbət sadəcə İsrail və yəhudi lobbisinin gözündən pərdə asmaqdır.Bu yolla Obama özünü sionist rejiminin arxası kimi göstərməyə çalışır. Bu barədə Rusiya islam komitəsinin sədri Heydər Camal SalamNews-a açıqlamasında bildirib.

H.Camalın sözlərinə görə, TŞ-nın daimi üzvü Baş Assambleyanın qərarına veto qoya bilməz. Məsələ isə məhz Baş Assambleyada müzakirə olunacaq.

"Bu söz-söhbət gözündən pərdə asmaqdan başqa bir şey deyil. Əslində Obama Fələstin dövlətinin yaradılmasını sürətləndirməyə çalışır"- deyə H.Camal bildirdi.

Komitə sədri İsrail ətrafında baş verən hadisələrə də toxunub. Onun fikrincə, Türkiyənin Baş naziri Rəcəb Tayyib Ərdoğanın «Azadlıq flotiliyasına» hərbi dəstəklə bağlı sərt bəyanatları birbaşa Ağ Evlə razılaşdırılıb.

"Düşünürəm ki, bütün bunlar Ağ Evlə pərdəarxası danışıqlarda razılaşdırılıb. Hazırkı Ağ Ev administrasiyası İsraili demontaj etməyə çalışır. Səsləndirilən bu kimi bəyanatlar isə "kasıblar"ın xeyrinə ola bilər",- deyə H.Camal vurğulayıb.

Fələstinin müstəqilliyinin tanınmasına gəldikdə isə, H.Camal bildirib ki, məsələnin qəbul olunması istisna olunmur, amma İsrail BMT Baş Assambleyasının belə qərarını qəbul etməyəcək.

"Müstəqilliyin tanınması müharibəyə səbəb olacaq. Burada söhbət Fələstinin hüquqi dövlət kimi tanınmasından gedir. Bu da Yaxın Şərqdə ciddi qarşıdumaya, ələxsus da genişmiqyaslı müharibəyə gətirib çıxaracağ. Bu müharibə üçün əlverişli bəhanədir",- deyə komitə sədri vurğulayıb.

H.Camalın sözlərinə görə, rəsmi Anakaranın müharibədən qaçma şansları yoxdur: "Düşünürəm ki, Türkiyə bu müharibəyə mütləq sürüklənəcək".