Misirdə həftənin cümə günü İsrail rejiminin bu ölkədəki səfirliyinin binası önündə nümayiş keçirən misirlilərin qəzəbinə tuş gələn səfirlik işçilərinin necə binadan çıxarıldığı məlum olub. Məlum olub ki, ABŞ hökuməti sionist baş nazir Binyamin Netanyahunun telefonlarına cavab verməyən ölkənin Ali Hərbi Şurasının lideri Tantavini təhdid edib.

5 misirli hərbçinin həyatını itirdiyi İsrail rejiminin hərbçilərinin hücumundan sonra, Netanyahu hökumətindən "üzr" açıqlanmasının gəlməməsi misirlilərin qəzəbinə səbəb olub. Misirlilər İsrail rejiminin bu ölkədəki səfirliyinin binasına hücum edərək, təhlükəsizlik divarını dağıdaraq, səfirlik binasına daxil olmuşdular. Hadisədən sonra İsrail rejiminin səfiri ölkədən qaçmağa məcbur olmuşdu.
13 saat davam edən səfirlik binasına hücumun detalları açıqlanıb. İsrail rejiminin mətbu orqanları yazırlar ki, səfirlik binasında sıxışıb qalan 6 səfirlik işçisini xilas etmək üçün İsrail rejimi bütün kartlarından istifadə edib. İsrail rejiminin baş naziri Netanyahu və müdafiə naziri Barak dəfələrlə Misir lideri Tantavi ilə əlaqə saxlamağa cəhd etsə də, buna nail ola bilməyib.
Türkiyənin "Vətən" qəzetinin verdiyi xəbərə görə, Netanyahu ABŞ prezidenti Barak Obamaya zəng edərək, ondan Tantaviyə təzyiq etməsini tələb edib. Ancaq Tantavi 2 saat Obamanın telefon zənglərinə cavab verməyib. Bu arada 6 nəfərlik səfirlik işçisinin rəhbəri Yonasan Netanyahuya zəng edərək, "Bizə bir şey olarsa, ailəmizə vəziyyəti telefonla deyil, üz-üzə durub deyərsən" deyib. Netanyahu isə, "Dayanın, sizi qurtaracağıq", - deyə cavab verib.

Bu arada Tantavi son anda telefonlara cavab verib. Sonra 30-a qədər misirli təhlükəszilik qüvvəsi 6 səfirlik işçisinin həyatını qurtarmaq üçün, onların saxlandığı otağa daxil olublar və onları xilas ediblər.
Bu ərəfədə ABŞ müdafiə naziri Panettanın Tantaviyə telefon xəttində çox sərt sözlər deməsi də ortalığa çıxıb: "Əsgərlərinizi göndərin o israilliləri xilas etsinlər. Əks təqdirdə bunun əvəzini çox ağır ödəyəcəksiniz".