Misir, Tunis və Liviya səfərlərinin yüksək mühafizəsi təmin edilən Türkiyənin Baş naziri Rəcəb Tayyib Ərdoğanı MKT və Baş qərargah peykdən izləyəcək.
"Ərəb baharı" yaşayan ölkələrə səfərə bu gün başladacaq Ərdoğanın mühafizəsi üçün ən yüksək səviyyəli təhlükəsizlik tədbirləri görülüb.

SalamNews-un Türkiyə qəzetlərinə istinadən xəbər verir ki, mühafizəçilər, axtarış itləri, elektron nəzarət sistemlərindən ibarət qoruma ordusu Baş nazirin səfərindən əvvəl üç ölkəyə göndərilib. MKT və Baş qərargah Ərdoğanı peykdən izləyəcək, ətrafındakı bütün hərəkətlər qoruma müdiriyyətinə göndəriləcək. Gecə yarısı Qahirədəki hava limanına enməsi gözlənilən Ərdoğanı mühafizəçilər qarşılayacaqlar

Nazirlər, yüksək vəzifəli şəxslər, iş adamları və jurnalistlərdən ibarət böyük nümayəndə heyəti ilə əvvəlcə Misirə gedəcək Türkiyənin hökumət rəhbəri daha sonra Tunisi və Liviyanı ziyarət edəcək.