İsrailin səfirliyini sökən aksiya iştirakçıları divarı sökdükdən sonra səfirlik binasına hücum edərək binaya daxil olmaq istəyiblər. Lakin səfirliyin təhlükəsizliyini qoruyan polis və hərbçilər buna icazə verməyiblər. Aksiya iştirakçıları ilə onların arasında yaşanan münaqişə zamanı 187 nəfər aksiya iştirakçısının yaralandığı bildirilir.

Qahirədən verilən son məlumatda bildirilir ki, misirli gənclər sionist rejimin Qahirədəki səfirliyini mühafizə divarını dağıtmağa müvəffəq olublar. Səfirliyin mühafizəsi üçün səfirlik yaxınlığına yerləşdirən polis və hərbçilərin aksiya iştirakçılarına müdaxilə etmədiyi bildirilir. Həta bildirilir ki, hərbçi zabit əlində çəkic divarı dağıtmaq üçün aksiya iştirakçılarına qoşulub.

Bu gün keçirilən aksiya zamanı da aksiya iştirakçılarından biri səfirliyin başına çıxmağa müvəffəq olub və sionist rejimin bayrağını çıxardaraq yerə atıb.

23:24

Xəbər vermişdik ki, Misirin gənc inqilabçıları qərara gəliblər ki, bu gün cümə namazından sonra Israilin Misirdəki səfirliyinin mühafizəsi üçün tikilmiş divarı yıxsınlar. Reuters bildirir ki, minə yaxın misirli beton konstruksiyaların sökülməsi üçün nəzərdə tutulan əl alətlərilə mühafizə divarını sökməyə başlayıblar. Ətrafdakı polislərin və hərbçilərin isə müdaxilə edilmədiyi bildirilir.

Xatırladaq ki, İsrailin Sinay yarımadasına hava zərbələri nəticəsində 5 misirli hərbçi həyatını itirdikdən sonra misirlilər İsrailin Misirdəki səfirliyinə hücum etmişdilər. Hücum zamanı hətta bir nəfər misirli səfirlik binasının başına çıxaraq sionist rejimin bayrağını çıxardıb yerinə Misir bayrağını da sancmışdı. Misirlilərin səfirliyə ikinci hücumu zamanı isə səfir Misir hərbçilərinin köməyilə səfirlik binasından çıxarılaraq İsrailə yola salınmışdı. Bu hadisələrdən sonra səfirliyin mühafizəsini təmin etmək üçün səfirlik binasının ətrafında hal-hazırda misirli gənclərin yıxdıqları betondan hasar çəkilmişdir.