Səudiyyə Ərəbistanının Ciddə şəhəri Astronomiya İdarəsi şəvval ayının hilalının görülməsi və Ramazan bayramının 30 avqustda elan olunmasının bir xəta olduğunu bəyan edib. Yayılan məlumata görə, bu səbəbdən Səudiyyə camaatının üzərinə düşən kəffarəni hökumət özü ödəyəcək. Ümumilikdə bu xətaya görə 1 milyard 600 milyon Səudiyyə rialı (təqribən 445 milyon dollar) dəyərində kəffarə ödəniləcək.

Ciddə Astronomiya İdarəsindən yayılan rəsmi açıqlama belədir: "İdarə şəvval ayının hilalı yerinə Saturun planetini görüb. Ərəbistan xalqı hilal yerinə bu ulduzun görünməsinə görə iftar etmişdir. Halbuki, ilin bütün vaxtlarında Ərəbistanın bəzi yerlərində Saturun ulduzunu görmək mümkündür". Səudiyyə Ərəbistanı avqustun 30-nun bayram olmadığını rəsmən etiraf etməsinə baxmayaraq, Misir "Fətva" qurumu bayramın avqustun 30-da olmasında israr etməkdə davam edir. (abna)

Dünya qəzetləri idda edirlər ki, dünyada milyonlarla müsəlman göydə Ayı yox, Saturnu görüblər. Belə ki, 1-ci günün hilalı iddia edilən zaman yalnız Saturnu adi gözlə görmək mümkün olub.
"Bazar ertəsi axşam yeni ayın görünməsi qeyri-mümkündür". Bu barədə Ciddə Astronomik Cəmiyyətinin rəhbəri Məcid Abu Zəhra "Əl-Shorouk" qəzetinə deyib. O, sözünün davamında bildirib: "Bazar ertəsi günü ancaq Saturn gözlə görünə bilərdi. Bazar ertəsi Ay görünməyib. Buna Günəşin işığı imkan verə bilməzdi. Şua həddindən artıq güclü idi".
Bundan başqa, "Tahrir" müstəqil gündəlik qəzeti də 1 sentyabr sayında başlığa "Bu gün Şəvvalın ikisidir və Saturnun üçüdür" xəbərini çıxarmışdı. Və bazar ertəsi görünənin Saturn olduğunu vurğulamışdır.

Bu barədə "Teleqraf" qazeti də yazıb. "Biz Fitr bayramını vaxtından əvvəl keçirdikmi?" başlıqlı xəbərdə qəzet yazır ki, Səudiyyə Ərəbistanı Ayı Müşahidə Komitəsi yeni hilalın görünməsi xəbərində səhv edib. İslam Ay Müşahidə Layihəsi məlumat yayıb ki, bazar ertəsi axşam Səudiyyə Ərəbistanında ayı görmək qeyri-mümkün olub.

Məlumatı ərəb dilli mətbuatdan da araşdırdıq. Ərəbdilli "mbc.net" saytı yazır ki, Səudiyyə Ərəbistanın Ciddə Astonomiya Cəmiyyəti Şəvval ayının hilalın görünməsində şübhə edir və əmindir ki, görünən, əslində, Saturn ulduzu olub. Xəbərdə həmçinin Ciddə Astronomik Cəmiyyətinin rəhbəri Məcid Abu Zəhranın yuxarıda qeyd etdiyimiz fikirləri də yer alıb.

Nüfuzlu youm7.com saytı da bu haqda məlumatı təsdiqləyib. Qəzet deyir ki, Səudiyyə Astronomiya Cəmiyyəti Fitr bayramının hilalının görünməsində tərəddüd edir.
Bundan başqa, xəbəri ərəb dünyasının digər nüfuzlu xəbər portalları olan "Əl-əvsat", "Əl-Misri Əl-Yavm", "Daral-hayat", "Əl-Arabiyyə" də verib.

/deyerler.org/