Ayətullah Xamneyi İslam düşmənlərinin şiə-sünni ixtilafını yaratmaq cəhdlərinin boşa çıxdığını və bu sahədə məğlubiyyətə məhkum olduğunu bildirib. İslam İnqilabının Rəhbəri həcc mərasiminin icra aparatı işçiləri ilə görüşündə bu sözləri önə çəkib: " İranın İslami quruluşuna qarşı düşmənlər tərəfindən həyata keçirilən tədbirlər və təbliğatlar indiyədək şiə-sünni ixtilafını yaratmaq cəhdləri boşa çıxıb və bu sahədə həmişəlik olaraq məğlubiyyətə məhkumdurlar."

Ayətullah Xamneyi həcc mərasiminin icra aparatı işçiləri ilə görüşündə İslam düşmənlərinin müsəlmanlar arasında ikitirəlik və ixtilaflar salmağa dair siyasətlərinə işarə edib: "İran İslam Respublikası islami rəftarla Fələstindəki əhli-sünnət qardaşları arasında ən güclü dostluq və qardaşlığa malik olub və İraqda şiə-sünni birliyinin reallaşmasında əsaslı rol oynamışdır" .

İslam İnqilabının Rəhbəri eyni halda İranda şiə və sünni qardaşların tam mehribanlıq və səmimiyyət atmosferində bir-birinin kənarında islami məhəbbət əsasında yaşamasından sevincisini bildirərək həmin birliyin həcc mərasimində də canlandığını bildirib: "Hazırda İslam dünyasının ən əsaslı və mühüm ehtiyacı vəhdət və yekdillikdir və hamı istər ev sahibi , istərsə də müxtəlif ölkələrdən həcc mərasimində hazır olanlara və ələlxüsus iranlı hacılar gərək islami vəhdət və həmrəyliyin qorunmasında və hər hansı bir ixtilafın qarşısının alınmasında böyük fəaliyyət və ciddiyyət göstərsinlər". " Dini və məzhəbi emosiya və atifələri təhrik etmək və ixtilaflara zəmin yaratmaq günahdır və işə əl atanlar həqiqətdə Amerikanın və Sionist Rejimin casusluq təşkilatlarının hədəflərinə qulluq edirlər və Allah təalanın məhzərində bütün bunlarla bağlı cavabdeh olacaqlar."