Bir neçə vaxtdır ölkədə gəzən söhbətlər ürəyimi yaman ağrıdır. Vətəninin hər daşını sevən vətəndaş kimi ürəyim daş bağlayıb yaş ağlayır. Belə ki, bu günlərdə Gürcüstanda Gürcüstan Müsəlmanları İdarəsi (GMİ) yaradılıb. QHT ölkədə yaşayan İslam icmaları və məscidlərə nəzarət edəcək.

Mən siyasətçi deyilən. Adi yazaram. Prossesləri izləyən biri kimi adam bilmirəm gürcü qardaşlarımızı qınayım, ya haqq qazandırım.

Məsələnin qorxulu tərəfi də var. Deyirlər, ilk addım çətin olur. Onu da gürculər atdı. Bundan sonra eyni arqument və məntiqlə dağıstanlı müsəlman qardaşlarımız da DMİ-ni (Dağıstanlı Müsəlmanlar İdarəsi) yarada bilər. Onda gəl ölünü qoy, dirini ağla. Hələ ən dəhşətlisi başqasıdır. Allah ondan saxlasın. Birdən bizim müsəlmanlar da QMİ-nin hicab məsələsində səssizliyini görüb, AMİ-ni (Azərbaycan Müsəlmanları İdarəsi) yaratdılar. QMİ qalacaq havada. Onda da həm ölünə ağlamağa, həm dirinə ağlamağa adam axtaracaqsan.

Bir zamanlar bəzi məmurlar qanuna zidd olaraq hicabı məktəblərdə qadağa edəndə belə fikirlər səslənirdi ki, axı, bu, bizim dövlətçiliyimizə ziyandır. Millətimiz, xalqımız, insanlarımız, nüfuzumuz üçün ağır fəsadları ola bilər. Görünən odur ki, sel o tərəfə axır. Çünki, GMİ-nin təsisciləri arasında Gürcüstan dövlət adamları, qubernatorunun azərbaycanlı müavini, hətta bir deputat da var. Bəlkə də məsələ siyasiləşir.

Bu, bizə lazım idimi? Hər iki dövlətin rəsmiləri söz atmacasına keçiblər. Qonşu Gürcüstanla küsmək dövlətimizə nə xeyir gətirəcək? Budur, məscid sökülməsinin, azan, hicab qadağasının məntiqi sonu.

Gürcüstan müsəlmanları qorxur. Tutaq ki, Allah eləməsin, sabah orada hicab məktəblərdə qadağan olundu. Yenə biz QMİ-yə dərdimiz izah edə bilirik. Onlar nə deyəcək?! O dəqiqə fikirləşəcəklər ki, əhalisinin 95 faizi müsəlman olan ölkədə hicab məsələsini həll edə bilməyən bir Mİ, Gürcüstanda nə edə bilər? Buna görə də kişilər oturub öz Mİ-lərini yaradıblar. Çox sadə məntiqdir.

Qafqaz Müsəlmanlar İdarəsi sədrinin müavini Hacı Salman Musayev GMİ-yə irad bildirərkən maraqlı sual verib. Sitat: "...niyə müsəlmanlar Azərbaycana yox, Gürcüstanda yaradılan hansısa quruma tabe olmalıdır?". Çox sadə cavabı var. Çünki insanlar dərdlərini həll edən qurumların olmasını istəyirlər. GMİ bunu edə bilərcək, ya yox – bu, ikinci dərəcəlidir. Sadəcə gürcülər ümid edirlər. Amma ortada çox sadə məntiq var. Mən də mağazaya gedəndə 10 dəfə geri qaytarıldığım yerə getmirəm. Mənim ehtiyaclarımı ödəyən mağazadan alış-veriş edirəm. Bu öklədə məktəblərin qapıları hicablı şagirdlərə bağlıdır. QMİ isə susur. Artıq 6 aydır. QMİ öz ölkəsində insanların ehtiyacını ödəməyən mağazaya çevrilirsə, bütün Qafqazın bu mağaza nəyinə lazım? Özlərinə mağaza açmaqda haqlı deyillərmi?

Vallah, mən qorxuram. Hər keçən gün QMİ-in əleyhinə işləyir. DMİ, AMİ və bir neçə Mİ-lər üçün də şərait və bəhanə yaradır.

Gəlin, məsələyə birdə başqa yöndən baxaq. Tutaq ki, sabah şeyx QMİ-nin səlahiyyətindən istifadə etdi. Yəni vəzifəsini icra etməyə başladı. Onda hicab məsələsi də həll oldu. Aha. Onda GMİ və ya yaranacaq olan Mİ-lərin əllərində bəhanə qalmayacaq. Cənab şeyx, QMİ-in qapısı bağlanır, açar da hicab problemin həllidir. O da sənin əlidə. Açmaq və bağlamaq. Son və davam. Seçim vaxtıdır.

Xəqani Səfərov
İmam Sadiq (ə) adına İslam Maarifi Akademiyası