Oxucu sual verir: Tutulmayan orucun kəffarəsini mütləq 60 nəfər ayrı-ayrı fəqirə vermək lazımdır yoxsa birləşdirib bir fəqirə də vermək olar?

Orucun kəffarəsini imkan daxilində 60 nəfər ayrı-ayrı fəqirlərə vermək lazımdır. Bunun əsas səbəbi cəmiyyətdə sosial bərabərliyi mümkün qədər qorumaq və daha çox sayda ehtiyaclı şəxsi təmin etməkdir. Fəqir ailənin hər birini isə ayrı-ayrılıqda saymaq olar. Yəni fəqir ailədə həm kişi, həm qadın, həm də uşaqlar üçün bir pay kəffarə ayırmaq olar. Əgər 60 nəfər fəqiri tapmaq heç cür mümkün deyilsə, onda kəffarəni məlum fəqirlərin arasında bölmək, yəni məsələn, 30 fəqirin hərəsinə 2 pay və ya 10 fəqirin hərəsinə 6 pay vermək də olar. Lakin bu, son dərəcə zərurət halında icazəlidir. Hətta əgər insan 60 fəqir tapmayıb, 30 fəqirin arasında kəffarəni bölüb paylasa, üstündən bir müddət vaxt keçəndən sonra daha 30 nəfər fəqir tapsa, onlara da düşən payı verməyi məsləhətdir.