Misratada 40 nəfər həlak olub

Misratada 40 nəfər həlak olub
Qəzzafinin muzdlu ordusunun ötən gündən başlayaraq Misrata şəhərini bombardıman etməsi nəticəsində 40 nəfər həlak olub. Həlak olanlardan 4-ü uşaqlardır. Bu barədə xəbəri "Reuters" agentliyi müxalifətin qurduğu Liviya Milli Şurasının rəsmilərindən birinə istinadən yayıb. Rəsmi deyib ki, hazırda şəhər xarabalığa çevrilib. Qəzzafinin ordusu tanklarla şəhərə girməyə çalışır.


14:53 (22-03-2011) Liviyada ABŞ hərbi təyyarəsi vuruldu
Liviyada koalisiya qüvvələrinin "Şəfəq səfəri" əməliyyatı davam edir. Türkiyə KİV-lərinin İngiltərənin "Daily Telegraph" qəzetinə istinadən verdiyi xəbərə, ABŞ ordusuna məxsus "F-15E" hərbi təyyarə vurulub. ABŞ ordusunun Afrika komandanlığı məlumatı təsdiq edib. Amma komandanlıqdan verilən məlumatda deyilir ki, təyyarə texniki nasazlıqdan qəzaya uğrayıb.


14:15 (22-03-2011) Qəzzafinin ordusu Zintan şəhərini bombalayır
"Əl Cəzirə" televiziyasının verdiyi məlumata görə, Qəzzafinin muzdlu ordusu ölkənin qərbindəki Zintan şəhərinə doğru hücuma keçiblər, şəhər bombardıman edilir. Muzdlu ordu qurudan şəhərə daxil olmağa çalışır.


12:01 (22-03-2011) Qəzzafinin havadan müdafiə radarları vuruldu
"Əl-Cəzirə" telekanalı Qəzzafiyə məxsus iki havadan müdafiə radarlarının məhv edildiyini bildirib. Xəbər də qeyd edilir ki, koalisiya qüvvələri ölkənin qərbindəki radarları vurub. Lakin koalisiya qüvvəlri xəbəri hələ təsdiqləməyib. Fransa ordusundan bir nəfər deyib ki, radarlar olduğu bölgələ Fransa təyyarələri yoxdur.


10:11 (22-03-2011) Liviyanın qərb və şərqində qanlı döyüşlər davam edir
Koalisiya qüvvələrinin Müəmmar Qəzzafi qoşunlarının mövqelərinə aviazərbələr endirməsi və Liviyanın hava məkanında uçuşsuz zonanın tətbiq edilməsinə baxmayaraq, ölkənin qərb və şərqində üsyançılarla hökumət qüvvələri arasında döyüşlər davam edir. Paytaxt Tripolidən 200 km. şərqdə yerləşən Misrat şəhərindən gələn məlumatlara əsasən, polkovnik Qəzzafiyə sadiq hərbçilər orada ən azı 9 nəfəri qətlə yetiriblər. "Əl-Ərəbiyyə"telekanalının məlumatına görə, şəhər əməli olaraq Qəzzafi qüvvələrinin nəzarəti altındadır./anspress/
Qeyd edək ki, Misrat Liviyanın qərbində yerləşən və müxalifətin nəzarəti altında olan faktiki yeganə iri şəhərdir.
Yerli sakinlər bildirirlər ki, hökumət qüvvələri şəhərə gedən su kəmərini bağlayaraq Misratı su təchizatından məhrum ediblər.
Bu ərəfədə Liviyanın şərqində yerləşən Benqazi şəhərinə nəzarəti hələ də əllərində saxlayan üsyançılar Qəzzafi qoşunları ilə döyüşə giriblər. Döyüş zamanı hökumət qüvvələri ağır zirehli texnikadan istifadə edib.


08:29 (22-03-2011) Qəzzafi geri çəkilir?
ABŞ rəsmisinin sözlərinə görə, Qəzzafinin hərbi qüvvəsi artıq Benqazi, Əcdəbiyyə və Misratadan geri çəkilib. Adı çəkilməyən vəzifəli şəxs bildirib ki, Qəzzafi bu 3 önəmli mövqeyi itirsə də, koalisiya qüvvələrinə qarşı hələ ə sərt mübarizə aparır. /Dunyabulteni/