BMT-nin insan haqları üzrə Komissiyasının eksperti, Fələstinin su təchizatındakı problemlərlə bağlı BMT-nin xüsusi məruzəçisi Can Ziqler İsraili "dünyada beynəlxalq qanunvericiliyə riayət etməkdən boyun qaçıran yeganə imperialist recim" adlandıraraq, bu quruluşun ünvanına sərt tənqidlə çıxış etmişdir. "İsrail – dünyada yeganə hökumətdir ki, beynəlxalq hüququn hər hansı normalarına riayət etməkdən imtina edir" - deyə o bildirmişdir.

Öznünün televiziyadakı çıxışında C. Ziqler Fələstinin işğal olunmuş torpaqlarındakı vəziyyəti "faciəvi" və "imperializm tarixində ən pis vəziyyət" adlandırmışdır. Daha sonra öz misilsiz tənqidinə davam edərək bildirmişdir ki, İsrail BMT-nin prinsiplərinə görə tamamilə qanunsuz hərbi təcavüz törədən, Fələstin ərazilərini qəsb etməyə davam edən imperialist recimdir. Ziqler qeyd etmişdir ki, bu, bütün imperializm tarixində arxasınca aclıq, fiziki və psixoloci zorakılıq gətirən ən pis işğaldır.

O, sözünə bu cür davam etmişdir: "Bircə Avropa Şurası ilə sionist recim arasında gizli danışıqları və onu müdafiə edən və maliyyələşdirən Birləşmiş Ştatların mövqeyini başa düşə bilmirəm".

BMT-nin Komitə rəhbərinin fikrincə, "avropalılar heç olmazsa, azacıq pirinsipiallıq göstərməlidirlər. Həmas avropalıların müşahidəsi ilə keçirilən demokratik seçkilərdə vicdanla mübarizə aparmışdır. O, qələbə qazandıqda isə, Avropa bu cür bəyan etmişdi: "Demokratiya demokratiyadır, amma biz sizi tanımayacağıq". Bu artıq riyakarlıq, xainlikdir. Mən deyərdim ki, bu addımı ilə Avropa özü özünü inkar etmişdir".

Ziqler həmçinin BMT-nin Fələstin probleminin həllindəki rolundan razı qalmadığını da bildirmişdir: "Təşkilat özünün mütləq gücsüzlüyünü və İsrailə təsir rıçaqlarına malik olmadığını boynuna alır. Bir halda ki, o, danışıqlardan başqa heç nəyə qadir deyil, bəs onda onun beynəlxalq dördlüyün tərkibində iştirak etməsinin nə mənası var?"