Ötən ilin dekabr ayının əvvəllərində Azərbaycan Milli Bankı, Azərbaycanda İslam prinsipləri ilə işləyən yeganə bank – Kövsər Bankın lisenziyasını ləğv etdi. Mərkəzi Bankın rəsmi bəyanatına görə, lisenziyanın ləğv edilməsinə səbəb, bankın minimal kapital ilə bağlı tələbləri yerinə yetirməməsi, bank qanunvericiliyininin tələblərini pozması olub.

Bildirilirdi ki, bankın fəaliyyəti ümidverici olmayıb və normativ qaydalar əsasında aparılmayıb, - "İslamNyus" xəbər verir.

Ekspertlər hesab edir ki, banka qarşı irəli sürülmüş bütün bu ittihamlar uydurulub və əslində, Kövsər Bank siyasi məqsədlərlə, Azərbaycandakı sionist israilyönümlü lobbinin güclü təzyiqi ilə bağlanılıb.

Məsələ burasındadır ki, bağlanan zaman Kövsər Bankın minimal kapitalı 10 milyon olmalı halda, 12 milyon manat olub və buna görə də minimal kapitallaşmanın tələblərinə tam cavab verib. Bundan başqa, son 1,5 il ərzində bank AMB-dən heç bir etiraz almayıb. Eyni zamanda nizamlayıcılar bankın planlarına çox yaxşı bələd olub və onun yaxın vaxtlarda kapitalını daha da artıracağını biliblər.

Kiçik həcmli olmasına baxmayaraq, Kövsər Bank, Azərbyacanda mənəvi dəyərlər, ədalət, həmkarlıq, şəffavlıq və bərabərlik əsasında çalışan, sələmçiliyə son qoyan və İslam prinsiplərinə uyğun gələn iqtisadiyyatın dirçəlişi idi.

İslam İnkişaf Bankının Bakıda keçirilən 35-ci illik görüşü çərçivəsində AMB-nin rəhbəri Elman Rüstəmov belə bir fikir irəli sürüb ki, Azərbaycan İslam banklarının açılması və İslam maliyyəsinin inkişafında maraqlı deyil.

Ekspertlər qeyd edir ki, Azərbaycanın maliyyə rəhbərliyi dövlət rəhbərliyinin İslam dünyası ilə əməkdaşlıq və yaxınlaşmanı nəzərdə tutan xarici siyasətini dəstəkləmir. Azərbaycandakı israilyönümlü lobbi Azərbaycanın İslam Konfransı Təşkilatı və İslam İnkişaf Bankının nüfuzlu üzvünə çevrilməsinə fəal şəkildə maneələr yaradır.

/Deyerler.org/