İlk dəfə olaraq, Türkiyənin bütün ali təhsil mərkəzləri hicabın rəsmi şəkildə qadağan edilməsini qeyri-qanuni elan etmişdilər. (abna)

Türkiyənin ali təhsil mərkəzlərində hicabın qadağasının qaldırılması həyata keçirilməyə başlanmışdır. Belə ki, bu ölkənin dövləti bəyanat verərək, hicabına görə ali təhsil mərkəzlərindən xaric edilən tələbələri himayə edəcəyini elan etmişdir. Dövlətin bu qətnaməsinin ardınca Türkiyənin ali təhsil mərkəzləri bir-birinin dalınca bu qadağanı ləğv etməyə başlamışdılar.
Baxmayaraq ki, Türkiyə respublikasının banisi Mustafa Kamal Atatürk qadınları hicablarını çıxartmağa təşviq edirdi və belə bir qanun qəbul etmişdi ki, kişilərin milli paltar geyinməyi qadağandır. Ancaq hicabın rəsmi şəkildə qadağan edilməsi onun dövrünə aid deyildir.
Hicabın rəsmi şəkildə ali təhsil ocaqlarında və ümumi dövlət idarələrində qadağan edilməsi 1980-cı ilə aid edilir. 1998-ci ildə Türkiyənin hərbi qüvvələri Türkiyənin baş nazirini hakimiyyətdən kənarlaşdırandan sonra hicab Türkiyənin ali təhsil mərkəzlərində rəsmi şəkildə qadağan edilmişdir.
Beynəlxalq hüquq müdafiə təşkilatı 2004-cü ildəki hesabatında elan etmişdi ki, hicabın qadağan edilməsi institutlardakı azadlığı aradan qaldırmışdır. Hicablı müəllimlərin işdən çıxmasına və hicablı qadınların ali təhsil mərkəzlərindən məhrum olmasına gətirib çıxartmışdır. Bu təşkilatın nümayəndələrindən biri Raşel Denber bu haqda deyir: "Hicablı qadınların ali təhsil almalarının qadağan edilməsi türk dövlət adamlarının qadın azadlığı şüarına ziddir".
Türkiyənin Baş naziri və Ədalət partiyasının rəhbəri Rəcəb Tayyib Ərdoğan 2008-ci ildə institutlardakı hicab qadağasını aradan qaldırmağa səy göstərmişdi. Ancaq onun bu səyləri bir nəticə verməmişdi.
Ancaq keçən il Ərdoğan referendiumda qalib gəldikdən sonra onun dövləti bu qadağanı aradan qaldırmağa müvəffəq oldu.
Türkiyənin Xalq partiyası hicabın müxalifi olan bir partiyadır ki, bu qanun çıxandan sonra onu müzakirə etmək istəmişdilər. Ancaq öz hədəflərini həyata keçirə bilmədikləri zaman heç olmasa dövlət idarələrində bu qadağanın qaldırılmamasına görə səylər göstərirlər. Bu partiyanın müavini iddia edir ki, onların hicabla müaxlifətlik etməklərinin səbəbi odur ki, qadınlar hicablarına görə ayrı-seçkiliyə məruz qalırlar. Ona görə də ciddi psixoloji ziyan görürlər.
Türkiyəin hicablı vəkillərindən biri olan Fatimə Benli deyir: "Mən vəkil olduğum üçün uzun saatlar iş görürəm. Öz işimdə çox mahirəm. Ona görə də yüksək məvacibə malik olmalıyam. Ancaq hələ də maddi cəhətdən valideynlərimdən asılıyam". O, bunun səbəbini hicablı olduğunda görür. Çünki hicabına görə dövlət və ümumi idarələrə daxil ola bilmir.
Son tədqiqlər göstərmişdir ki, hətta xüsusi bölmələrdə belə hicablı qadınlara qarşı ayrı-seçkilik həyata keçirilir. Onların bu cür yerlərdə də işə düzəlməsi çox çətindir. Əgər işə düzəlsələr belə işdən azad edilən ilk insan olurlar.
/Deyerler.org/