Türkiyə xarici işlər naziri Əhməd Davudoğlu ABŞ Konqresinin Nümayəndələr Palatasında "erməni soyqırımı" qətnamə layihəsinin müzakirəsinin onlar üçün gözlənilməz olduğunu qeyd edib. "Cümə günü Nümayəndələr Palatasında çox qəribə bir proses yaşandı. Fəaliyyətini tamamlamaqda olan bir Nümayəndələr Palatasında belə bir prosesin başlaması doğrusu Türkiyə-ABŞ əlaqələri baxımından bizi ciddi şəkildə narahat etdi", - deyə nazir bildirib

Bakı-APA. Türkiyə xarici işlər naziri Əhməd Davudoğlu ABŞ Konqresinin Nümayəndələr Palatasında "erməni soyqırımı" qətnamə layihəsinin müzakirəsinin onlar üçün gözlənilməz olduğunu qeyd edib. "Cümə günü Nümayəndələr Palatasında çox qəribə bir proses yaşandı. Fəaliyyətini tamamlamaqda olan bir Nümayəndələr Palatasında belə bir prosesin başlaması doğrusu Türkiyə-ABŞ əlaqələri baxımından bizi ciddi şəkildə narahat etdi", - deyə nazir bildirib.

Davudoğlu bu məsələnin bir cəhd olaraq qalacağına ümid etdiyini bildirib: "İnşallah Nümayəndələr Palatası Türkiyə-ABŞ əlaqələrini yeni imtahana soxacaq qərar çıxmaz. Bu mövzudan bixəbər, mövzu ilə bağlı heç bir tarixi həqiqi biliyə sahib olmayan bəzi konqresmenlərin şəxsi, kiçik siyasi mənfəətləri üçün bu cür cəhdlər etməsi hər şeydən öncə ABŞ-ın maraqlarına uyğun deyil. Ümid edirik ki, belə bir səhv edilməz".